सिटिजन्स बैंक र सिर्जना फाइनान्सले असार २६ गतेबाट एकीकृत कारोबार सुरु गर्ने

१८ असार, काठमाडौं । सिटिजन्स बैंक इन्टरनेसनल लिमिटेड र सिर्जना फाइनान्सको एकीकृत कारोबारअसार २६ गतेबाट सुरु हुने भएको छ ।

सिटिजन्स बैंकले सिर्जना फाइनान्सलाई प्राप्ति गरेपश्चात यी दुवै कम्पनीले एकीकृत कारोबार सुरु गर्न लागेका हुन् । दुवैलाई एकीकृत कारोबार गर्न नेपाल राष्ट्र बैंकले असार १५ गते अन्तिम स्वीकृति दिइसकेको छ । आपसमा गाभिएपश्चात अब सिटिजन्स बैंकको नामबाट एकीकृत कारोबार हुनेछ ।

दुवैको जेठ २७ गते सम्पन्न विशेष साधारण सभाले प्राप्ति सम्बन्धी प्रस्ताव पारित गरेका थिए । सम्पति तथा दायित्व मूल्यांकन प्रतिवेदनका आधारमा तय भएको १००:९५ सेयर स्वाप रेसियोमा प्राप्ति प्रक्रिया सम्पन्न गर्ने कार्यलाई अन्तिम स्वीकृति दिइएको छ । सिर्जनाको १०० सय कित्ता सेयर हुनेले अब सिटिजन्सको नाममा ९५ कित्ता सेयर पाउनेछन् ।