सेञ्चुरी कमर्सियल बैंकको कामु सीईओमा मनोज न्यौपाने नियुक्त

३१ असार, काठमाडौं । सेञ्चुरी कमर्सियल बैंकले कायम मुकायम (कामु) प्रमुख कार्यकारी अधिकृत (सीईओ) मा मनोज न्यौपानेलाई नियुक्त गरेको छ ।

कम्पनीको असार ३० गते बसेको सञ्चालक समितिको बैठकले उक्त निर्णय गरेको हो । कम्पनीले साउन १ गतेदेखि लागू हुने गरी नायव प्रमुख कार्यकारी अधिकृत न्यौपानेलाई कामु प्रमुख कार्यकारी अधिकृतमा नियुक्त गरेको नेप्से मार्फत जानकारी गराएको हो ।

साथै, कम्पनीको प्रमुख कार्यकारी अधिकृत तुलसीराम गौतमले असार २० गते दिएको राजीनामा असार ३० गते बसेको सञ्चालक समितिको बैठकले साउन १ गतेदेखि लागू हुने गरी स्वीकृत गरेको समेत कम्पनीले जानकारी गराएको छ ।