पूर्वप्रधानमन्त्री भट्टराईको बीरगञ्जमा पुत्ला दहन, हिन्दु धर्म बिरोधी अभिव्यक्ति दिएको आरोप

७ साउन, पर्सा । विश्व हिन्दु परिषद नेपालले पूर्वप्रधानमन्त्री डा. बाबुराम भट्टराईको बीरगञ्जमा पुत्ला दहन गरेको छ । सनातन हिन्दु धर्म विरुद्ध अभिव्यक्ति दिएको भन्दै परिषदले डा. बाबुराम भट्टराईको पुतला दहन गरेको हो ।

जसपा पार्टीका संघीय परिषदका अध्यक्ष समेत रहेका भट्टराई विरुद्ध बीरगञ्जमा नाराबाजीसहित जुलुस प्रर्दशन गर्दै उनको पुत्ला लगाएका हुन । भारत युपीका मुख्यमन्त्री योगी आदित्यनाथले गंगा नदीमा दुध अर्पण गरी पुजापाठ गरिरहेको तस्बिरलाई भट्टराईले आफनो सोसल एकाउन्ट टुईटरमार्फत शेयर गर्दै हिन्दु धर्ममाथि अभद्र टिप्पणी गरेका थिए ।

उनले गरेको टिप्पणीको चौतर्फी रुपमा हिन्दुवादी संघसंगठनहरुले विरोध गर्दै प्रर्दशन गरेका छन । त्यसकै क्रममा विश्व हिन्दु परिषद नेपालले पनि बीरगञ्जमा भट्टराई विरुद्ध प्रर्दशन गर्दै उनको पुत्ला लगाएर कडा विरोध जनाएका छन ।

बीरगञ्जको माईस्थान चोकमा भेला भएका हिन्दु युवाहरुले भट्टराई विरुद्ध चर्को नाराबाजी गर्दै जुलुस प्रर्दशन गरेका थिए । विरोध प्रर्दशनमा हिन्दु युवाहरुले बाबुराम भट्टराई मुर्दावाद, हिन्दुधर्मलाई अपमान गर्न पाईदैन, भट्टराईलाई कडा कारवाही गर लगायतको चर्को नाराबाजी गरेका थिए ।

भट्टराईको पुत्लासहित निकालिएको विरोध जुलुस नगर परिक्रममा पश्चात घण्टाघर चोकमा पुगेर प्रहरीको कडा सुरक्षाका बीच उनको पुत्ला दहन गर्दै चर्को आलोचना समेत गरिएको थियो । कोणसभालाई सम्बोधन गर्दै परिषदका बीरगञ्ज महानगर उपाध्यक्ष कृष्णमोहन सहायले पौराणिक कालदेखि चल्दै आएको हाम्रो सनातन धर्म विरुद्ध बारम्बार आक्रमण गरी हिन्दुहरुको आस्थासँग खेलवाड गरेको प्रति घोर विरोध जनाउँदै हिन्दुको आस्थासँग खेलवाड गर्ने विरुद्ध अब प्रतिकारमा उत्रिने चेतावनी दिए ।

भट्टराईलाई चेतावनी दिदै उनले भने, तपाईलाई हाम्रो रितिरिवाज बारे जानकारी छैन भने आउनुस् म तपाईलाई हिन्दुधर्मको रितिरिवाज बारे ज्ञान सिकाउँछौ तर हाम्रो हिन्दु आस्थामाथि प्रहार गर्न खोज्यो भने, हामी हनुमान भएर तपाईको छाती चिरेर त्यसको जवाफ दिने छौं ।

अल्पसंख्यकको राजनीतिक गरेर चर्चा कमाउन बहुसंख्यकको अपमान गर्ने राजनीति विगत केही बर्षदेखि कथित जनआन्दोलनपछि यस्तो बिकृति बढ्दै गएको छ । बाबुराम भट्टराईको यो पहिलो घट्ना होईन । उनले विगतमा पनि हिन्दु धर्म संस्कृतिलाई अपमानित हुने खालको अभिव्यक्ति दिदै आएको उनीहरुको गुनासो रहेको छ ।

विगत जनआन्दोलनपछि कम्युनिष्ट विचारधारा तथा माओवादी जनआन्दोलनबाट आएका कथित आफूलाई बुद्धिजीवी र संभ्रान्त मान्ने मांनसिकता भएका बाबुराम भट्टराईले विदेशीको डलर तथा ओलीवाईनमा रमाएर आफनो धर्म संस्कृति नष्ट पार्दै आएक उनीहरुको आरोप थियो ।

उनले हिन्दु धर्म संस्कृतिलाई समाप्त पार्नको लागि विदेशी एजेन्डा लिएर नेपालमा उनीहरुकै लागि राजनीतिक गर्ने पछिल्लो समयमा हिन्दु आस्थामाथि प्रहार गरेर आफनो राजनीतिक चम्काउने कार्य विगतदेखि नै गर्दै आएको हिन्दु अगुवाहरुले बताएका छन ।