लुम्बिनी प्रदेशसभाको बैठक १३ असोजसम्म स्थगित

नेपालबहस संवाददाता

असोज ७, २०७८ बिहिबार २३:४:५५

७ असोज, बुटवल । लुम्बिनी प्रदेशसभाको बैठक सूचना टाँसेर स्थगित गरिएको छ । प्रदेशसभा सचिव दुर्लभकुमार पुनले जारी गरेको सूचनामा नवौं अधिवेशनको छैटौं बैठक १३ असोज बुधबार दिउँसो १ बजेसम्मका लागि स्थगित भएको जनाइएको हो ।

एमालेले गत १ भदौमा बोलाइएको यही अधिवेशनको पहिलो बैठकदेखि नै सदन अवरुद्ध गर्दै आएको छ । पछिल्लोपटक ३१ भदौमा बोलाइएको बैठकमा पनि एमालेले अवरोध गरेको थियो ।

त्यसपछि सभामुख पूर्णबहादुर घर्तीले ७ असोजसम्मका लागि बैठक स्थगित गरेका थिए । एमालेले सांसद अजय शाही र विमला खत्री वलीलाई पदमुक्त नगरेसम्म बैठक बस्न नदिने बताएको छ ।

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप