बाढीपीडित पाँच दिनदेखि अन्धकारमा
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
कात्तिक ७, २०७८ सोमबार २:५४:५१
![](https://nepalbahas.prixacdn.net/media/albums/bijuli_BK47Rme1Cz.jpg)
७ कार्तिक, झापा । बेमौसमी बाढीले बिजुलीको पोल बगाउँदा गौरीगञ्ज-१ का बाढीपीडित पाँच दिनदेखि अन्धकारमा बस्न बाध्य भएका छन् । अविरल वर्षासँगै गत मंगलबार राति आएको बाढीले बिजुलीको तार र पोलमा क्षतिपुर्याउँदा बाढीपीडित अन्धकारमा बस्न बाध्य भएका हुन् ।
बिजुलीको पोल ढल्दा गौरीगञ्ज-१ को बाढी प्रभावित क्षेत्रका करिब १५० बाढीपीडितको घरमा बिजुली अवरुद्ध भएको नेपाल विद्युत् प्राधिकरण बुल्लुचोक सबस्टेसनले जनाएको छ । ‘बिजुली नहुँदा हामीलाई धेरै समस्या भएको छ । न मोबाइल चार्ज गर्न पाएका छौं । न त घरमा बत्ती बाल्न नै,’ हुकलबारीका बाढीपीडित चन्द्र कार्की भन्छन्, ‘एकदम समस्या भएको छ । राति टुकी बालेर बसिरहेका छौं ।’
बाढीपीडितले कम्मरसम्म आउने माई नदी छिचोल्दै उत्तरी गाउँमा आएर मोबाइल चार्ज गर्नुपर्ने बाध्यता छ । ‘छोरीमान्छे आउन सक्दैनन् । हामी नै मोबाइल भेला पर्छौँ र माथि लाइन भएको ठाउँमा चार्ज गर्न लैजान्छौं,’ उनले भने, ‘कम्मरसम्म आउने पानीको प्रेस धेरै छ । चार्ज गर्न जाँदा त गइन्छ । तर, फर्कँदा के हुने हो टुंगो हुँदैन ।’
अर्को गाउँमा चार्ज लगाएको मोबाइल बालेर बाढीपीडित रात कटाउँदै आएका छन् । ‘घरमा सबै लेदो जमेको छ । जसोतसो बसेका छौं । राति सर्प आउँछ भन्ने डर त छदैछ,’ हुकलबारीका बाढीपीडित अलि मुदिन भन्छन्, ‘बिजुली नहुँदा हामीलाई धेरै समस्या भएको छ ।’ हुकलबारी जाने बिजुलीका तीन वटा पोल माई नदीले बगाएको छ । विद्युत् प्राधिकरणले पनि बनाउने कोसिस गरिरहेको जनाएको छ ।
अहिले स्थानीयको सहयोगमा काठको पोल गाड्ने काम भइरहेको छ । तर, यो अस्थायी मात्र भएको बाढीपीडित सागर सुनुवार बताउँछन् । ‘लाइन बिना केही नहुने भयो । बाढी आउँदा चारतिरबाट नदीले घेरेको थियो बीचमा हामी थियौं । आफन्तलाई सुरक्षित भएको जानकारी पनि गराउन सकिएन,’ उनी भन्छन्, ‘त्यसैले अहिले हामी नै लागेर बिजुली गाउँसम्म पुर्याउने तयारी गर्दैछौं । हामी आफैं पैसा उठाएर भए पनि लाने भन्नेमा थियौं । तर, विद्युत् प्राधिकरणले नै खर्च गर्यो । हामीले श्रमदान गर्यो ।’
अहिले लैजान लागिएको विद्युत् अस्थायी हो । काठको पोल एकदमक कमजोर छ । सामान्य हावाले पनि लडाउन सक्ने सुनुवार बताउँछन् । ‘यो त अस्थायी मात्र काम दिन्छ । सामान्य हावाले पनि लडाउँछ । तर, अहिलेलाई काम चलाउन भए पनि लानै पर्ने बाध्यता छ,’ उनले भने ।
विद्युत् प्राधिकरण बुल्लुचोक सब स्टेसनका प्राविधिक विजयकुमार ताजपुरीयाले सोमबारसम्म बाढीपीडित गाउँमा बिजुली पुर्याउने योजना रहेको बताए । स्थानीयको सहयोगमा अस्थायी रूपमा भए पनि गाउँमा बिजुली पुर्याउन धमाधम काम गरिरहेको उनले बताए । ‘अहिले मुख्य कुरा बिजुली हो । अँध्यारोमा बाढीपीडितलाई समस्या हुन्छ भनेर हामीले खोला घट्ने बित्तिकैदेखि काम सुरु गरेका छौं,’ उनले भने, ‘तर, यो अस्थायी हो । यहाँ भत्किएको बाटो बन्यो र सिमेन्टको पोल पारिसम्म पुर्याउन पाइयो भने मात्र स्थायी बन्छ । नभए अहिलेलाई अस्थायी नै हुन्छ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबाढी पसेर बन्द भएको विराटनगर विमानस्थल खुल्यो
असार १२, २०८१ बुधबार
बाढी बस्तीमा पसेपछि विराटनगरमा ५ सय बढी घर डुबानमा, वडा नं ६ धेरै प्रभावित
असार १२, २०८१ बुधबार
ओखलढुङ्गामा पहिरोले घरगोठ पुरिँदा एकजनाको मृत्यु, दुई घाइते
असार १२, २०८१ बुधबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
भारतको सेमिफाइनल खेलमा वर्षा भयो भने के हुन्छ ?
नेपालबहस संवाददाता
असार १०, २०८१ सोमबार
सशस्त्र प्रहरीका एसपी र डीएसपी सरुवामा गृहमन्त्रीको मनलाग्दी
असार १२, २०८१ बुधबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार
देशभर मनसुनी वायुको प्रभाव : आज यी ठाउँहरुमा भारी वर्षा हुने
असार १२, २०८१ बुधबार
कला, संस्कृतिसहितको पहिचान नै भावी पुस्ताको महत्वपूर्ण सम्पत्ति होः राष्ट्रपति पौडेल
असार १२, २०८१ बुधबार
यी राशीमा ३ दिनपछि आर्थिक संकटको छायाँ पर्न सक्छ !
असार १२, २०८१ बुधबार
पाकिस्तानको कराँचीमा अत्यधिक गर्मीका कारण २५ जनाको मृत्यु
असार १२, २०८१ बुधबार
बाढी पसेर बन्द भएको विराटनगर विमानस्थल खुल्यो
असार १२, २०८१ बुधबार
सिटिजन्स बैंकद्वारा भुकम्पबाट क्षतिग्रस्त बझाङको विद्यालयलाई एक लाख सहयोग प्रदान
असार १२, २०८१ बुधबार
रास्वपाको भविष्य छैन, दुर्घटना उन्मुख छः महामन्त्री मुकुल
असार १२, २०८१ बुधबार