मकालुको वडा नम्बर ५ मांसिमालाई छुट्टै वडा बनाउन स्थानीयको माग
नेपालबहस संवाददाता
कात्तिक ९, २०७८ मंगलबार १२:२७:५६
८ कार्तिक, संखुवासभा । संखुवासभाको मकालु गाउँपालिका–५ मा मांसिमालाई छुट्टै वडा बनाउन स्थानीयले माग गरेका छन् । मांसिमाबासीले वडा नम्बर–५ लाई छुट्टै वडा बनाउन माग गरेको मकालु–५ का वडाध्यक्ष जापान गुरुङले जानकारी दिए ।
भौगोलिक हिसाबले बिकट मानिएको मांसिमादेखि वडा कार्यालय आउन एक दिनको पैदल लाग्छ । मांसिमाका करिब २ सय ५० घर परिवार भएको वडाध्यक्ष गुरुङले बताए । मांसिमाका स्थानीयले सामान्य जन्म दर्ता, मृत्यु दर्ता जस्ता काम गर्न एक दिनको पैदल हिँडेर नुम आइपुग्नु पर्छ ।
सडक सञ्जाल नजोडिएको मांसिमाबासीले वडा कार्यालयको सेवा लिन एक दिनको पैदल हिँड्नु पर्ने स्थानीय ज्ञान बहादुर गुरुङले बताए । सडक सञ्जाल नभएका कारण मांसिमाबासी वडा कार्यालयमा पुगेर आफ्नो काम सम्पन्न गर्नलाई चार पाँच दिनसम्म लाग्ने गरेको स्थानीयको गुनासो छ ।
मांसिमा गाउँमा गुरुङ र राई जातीको मात्र बसोबास छ । भूगोल र जनसंख्याको हिसाब हेर्ने हो भने मांसिमा छुट्टै वडा निर्माणका प्रशस्त आधार रहेको स्थानीय श्याम कुमार गुरुङले बताए ।
भौगोलिक बिकट मांसिमाबासी आफ्नो छुट्टै वडा नहुँदा वडाको केन्द्रसम्म पुग्न विभिन्न समस्या झेल्दै आएको उनीहरूको भनाइ छ । स्थानीयको माग अनुसार मांसिमा गाउँलाई छुट्टै वडा बनाउन गत जेठ १० गते गाउँसभाले निर्णय गरेको वडाध्यक्ष गुरुङले बताए ।
यस वर्ष गाउँसभाबाट समेत पारित भइसकेको वडाध्यक्ष गुरुङले बताए । छुट्टै वडा बनाउन गाउँसभाले निर्णय प्रदेश सरकार र स्थानीय विकास मन्त्रालयलाई पठाउने तयारी भइरहेको उनको भनाइ छ । छुट्टै वडा निर्माणका लागि सम्पूर्ण आधार पुरा हुनसक्ने भन्दै स्थानीय सरकारसमेत यसको पहलमा अघि बढिरहेको छ । वडा भित्रको पनि छुट्टै भूगोल भएको मांसिमा गाउँमा शिक्षा स्वास्थ्यको पहुँच निकै टाढा छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकोशीमा न्युनतम साझा कार्यक्रम बनाउन कार्यदल गठन
असोज ६, २०८१ आइतबार
कोशीका मुख्यमन्त्री कार्कीले आज विश्वासको मत लिँदै
असोज २, २०८१ बुधबार
विद्युतीय जोखिम कम गर्न श्रमदानद्वारा झाडी हटाइँदै
असोज १, २०८१ मंगलबार
न्यून कार्बन उत्सर्जन गर्न ऊर्जा प्रभावकारी भवन निर्माण आवश्यक छ : उपप्रधानमन्त्री सिंह
असोज ११, २०८१ शुक्रबार
नेपाली कांग्रेस शिक्षा विभागमा १० सदस्य मनोनीत
असोज ११, २०८१ शुक्रबार
त्रिभुवन अन्तर्राष्ट्रिय विमानस्थलमा चङ्गा, ड्रोन र बेलुन उडाउनेलाई कारबाही गरिने
असोज ११, २०८१ शुक्रबार
उखु र दुध किसानको भुक्तानीका लागि रकम निकासा
असोज ११, २०८१ शुक्रबार
उपत्यकाका नदीहरुमा पानी सतह बढ्यो, बागमती नदीले खतराको तह पार गर्यो
असोज ११, २०८१ शुक्रबार
न्यायाधीश सिफारिस गरेकोप्रति बारको असन्तुष्टि
असोज ११, २०८१ शुक्रबार