प्रदेश १ मा नयाँ सरकार गठनका लागि आह्वान

१५ कार्तिक, विराटनगर । प्रदेश १ का मंगलबार भोली नयाँ सरकार गठनका लागि आह्वान गरिएको छ । प्रदेश प्रमुख सोमनाथ अधिकारी प्यासीले मुख्यमन्त्री भीम आचार्यको राजीनामा स्वीकृत गर्दै नयाँ सरकार गठनका लागि आह्वान गरेका हुन् ।

सोमबार मुख्यमन्त्री आचार्यले राजीनामा दिएलगत्तै प्रदेश प्रमुख प्यासीले नेपालको संविधानको धारा १६८ को उपधारा २ बमोजिम मंगलबार दिउँसो १ बजेभित्र नयाँ सरकार गठनको दाबी पेश गर्न दलहरुलाई आह्वान गरेका हुन् ।

मुख्यमन्त्रीको आह्वानपछि दलहरूले नयाँ सरकारका लागि दाबी पेस गर्ने तयारी गरेका छन् । प्रदेश-१ मा यसअघि विपक्षी गठबन्धनमा रहेका दलको स्पष्ट बहुमत छ। उनीहरूले नेकपा ‘एकीकृत समाजवादी’ का सांसद राजेन्द्र राईलाई मुख्यमन्त्री बनाउने तयारी गरेका छन्।