अज्ञात व्यक्तिद्धारा पिडीमा राखेको मोटरसाइकलमा आगजनी

२९ मंसिर, स्याङ्जा । अर्जुनचौपारी गाउँपालिका वडा न.३ सिरिन्डाँडा निबासी बिमल पौडेलको हिजो राती करिब १०ः३० बजेको समयमा घरको पिडीमा रोकिराखेको मोटरसाइकलमा अज्ञात व्यक्तिले आगो लगाएका छन् ।

मोटरसाइकल लिएको एकहप्ता मात्रै भएको र विदेशमा पसिना बगाउनु भन्दा आफ्नै ठाउँमा केही गर्ने सोच लिएर गाउँमै व्यवसाय गर्न लागेका बिमलको घर र पसल नै जलाउने नियतले आगो लगाइएको हुनसक्ने र समयमै थाहा पाउँदा ठुलो क्षति हुनबाट बचेको पौडेलले बताएका छन ।

घटना कसले गर्यो र कसरी भएको भन्ने बारे अनुसन्धान भइरहेको प्रहरी चौकी रापाकोटका इन्चार्ज यादव बहादुर कार्कीले बताएका छन् ।