घोराही उपमहानगरको मेयरमा गठबन्धनबाट शर्माले दिए उम्मेदवारी

१२ वैशाख, दाङ । सत्ता गठबन्धनबाट घोराही उपमहानगरपालिकाको मेयरमा हेमराज शर्माले मनोनयन दर्ता गरएका छन् । सत्ता गठबन्धनको तर्फबाट नेकपा माओवादी केन्द्रका शर्माले मेयरमा र नेपाली कांग्रेसका भुपबहादुर डाँगीले उपप्रमुखमा उम्मेदवारी दिएका हुन् ।

सत्ता गठबन्धन तर्फका उम्मेदवाहररुले घोराहीमा तामझाम, बाजागाजासहित निर्वाचन अधिकृतको कार्यालयामा पुगेर मनोनयन दर्ता गराएका हुन् । उम्मेदवारी दर्तापछि शर्माले घोराहीलाई स्वच्छ, सुन्दर र समृद्ध नगरको रुपमा विकास गरिने प्रतिक्रिया दिए ।

उनले आर्थिक विकास, कृषि उत्पादन, स्वास्थ, पर्यावरण र पर्यटनको विकास प्राथमिकतामा रहने भन्दै जनताको आवश्यकतानै आफ्नो मुख्य एजेन्डा भएको बताए ।