बर्दियाको गुलरिया नगरपालिकामा प्रमुख र उप्रमुखमा कांग्रेस विजयी

४ जेठ, बर्दिया । बर्दियाको सदरमुकाम गुलरिया नगरपालिकाको नेपाली कांग्रेसका प्रमुख र उप्रमुख विजयी भएका छन्। नेकपा एमालेका अमरबहादुर खड्का र टिका संसेली मगरलाई पराजित गर्दै मुक्तिनाथ यादव र सावित्रा गौतम विजयी भएका हुन्।

गुलरिया नगरपालिकाको प्रमुख पदमा पुनः निर्वाचित भएका यादवले ७ हजार ९८९ मत प्राप्त गरे। विजेता उपप्रमुख गौतमले ८ हजार २०७ मत प्राप्त गरेकी छन्। एमालेका खड्काले ७ हजार ८११ मत प्राप्त गरे।

एमालेकी संसेली मगरले ७ हजार ४६२ मत प्राप्त गरिन्। तृतीय स्थानमा रहेका माओवादी केन्द्रका प्रमुख पदका उम्मेदवार गेहेन्द्र ढकालले ५ हजार १० र उपप्रमुख इन्दिरा सुवेदीले ४ हजार ९३९ मत प्राप्त गरिन्।

गुलरिया नगरपालिकाको १२ वडामध्ये नेपाली कांग्रेसले ४ वडा, माओवादी केन्द्र र एमालेले ३र३ वडा जनमत पार्टी र जनता समाजवादी पार्टीले १र१ वडामा जीत सुनिश्चित गरेका छन्।

निर्वाचन अधिकृतको कार्यालयका अनुसार नेपाली कांग्रेसबाट वडा नम्बर १ मा जोगीराम थारु, ४ मा सुरेश गौतम, ६ मा शुधांशु प्रकाश शर्मा ‘लालु’ र वडा नम्बर ७ को वडा अध्यक्षमा मनोजकुमार यादव विजयी भएका छन्।

नेकपा एकालेबाट वडा नम्बर २ मा टंकप्रसाद अधिकारी, ३ मा सर्वजित यादव, ५ मा मुमबहादुर मल्ल विजयी भएका हुन्। माओवादी केन्द्रबाट वडा नम्बर ८ मा धर्मेन्द्रकुमार बानिया, ९ मा हरिप्रसाद पासवान र वडा नम्बर १२ मा रामकुमार थारु विजयी भएका छन्।

जनमत पार्टीबाट वडा नम्बर १० मा लक्ष्मी नारायण लोध र जनता समाजवादी पार्टीबाट वडा नम्बर ११ मा विष्णु यादव विजयी भएका हुन्। नगरप्रमुख पदका यादव पुनः निर्वाचित प्रमुख हुन्। उपप्रमुख गौतम गुलरिया नगरपालिका वडा नम्बर ५ की निवर्तमान वडाअध्यक्ष हुन्।