तुलसीपुर उपमहानगर प्रमुखमा कांग्रेस र उपप्रमुखमा एमालेको अग्रता

५ जेठ ,दाङ ।  जेठ तुलसीपुर उपमहानगरपालिकामा जारी मतगणनामा गठबन्धनका तर्फबाट नेपाली कांग्रेसले अग्रता लिएको छ । पछिल्लो मतपरिणामअनुसार गठबन्धनका तर्फबाट नगरप्रमुखमा कांग्रेसका उम्मेदवार गेहेन्द्र गिरीले चार हजार ६१३ मत प्राप्त गरेका छन् । भने नेकपा (एमाले)का नगरप्रमुखका उम्मेदवार टीकाराम खड्काले चार हजार ४०३ मत प्राप्त गरेका छन् । उनीहरुबीच २१० को मतान्तर रहेको छ ।

त्यस्तै उपप्रमुखमा भने एमालेका स्यानी चौधरीले अग्रता लिएकी छिन् । एमालेका उपप्रमुखका उम्मेदवार चौधरीले चार हजार २२६ र गठबन्धनका तर्फबाट एकीकृत समाजवादीका उम्मेदवार जोगबहादुर रानाले तीन हजार ७३८ मत प्राप्त गररेका छन् । उनीहरुबीच ४८८ को मतान्तर छ ।

यसअघि तुलसीपुर–१ मा गठबन्धबाट होमकान्त सापकोटा निर्वाचित भएका छन् । वडा नं २ बाट एमालेका भीमबहादुर कुँवर योगी निर्वाचित भईसकेका छन् । अहिले वडा नं ३, ४ र ५ को मतगणा जारी छ । त्ुालसीपुरमा एक लाख एक हजार ४६० मतदाता रहेकामा ७४ हजार ३३६ ले मतदान गरेका थिए ।