स्वतन्त्र उम्मेदवारलाई महामन्त्री शर्माको सन्देश, ‘काम गर्दा एक्लै भएको अनुभूति नगर्नू’

९ जेठ, काठमाडौं । नेपाली कांग्रेसका महामन्त्री विश्वप्रकाश शर्माले स्वतन्त्र उम्मेदवारहरूलाई जनताको हितमा काम गर्दा एक्लो भएको अनुभव नगर्न आग्रह गरेका छन् । उनले कसैले पनि पहिले नै सिकेर नआएको भन्दै जानेकाहरुले स्वतन्त्रलाई काममा सघाउनुपर्ने बताएका छन् ।

शर्माले विजयी भएका र विजय नजिक रहेका स्वतन्त्र उम्मेदवारहरुलाई सामाजिक सञ्जालमार्फत बधाई दिने क्रममा उनीहरुलाई भरपुर सहयोग गर्नुपर्ने बताएका हुन् । उनले स्वतन्त्रको मनोबल घटाउने काम कतैबाट पनि हुन नहुने बताएका छन् ।

काठमाडौं महानगरपालिका र धनगढी उपमहानगरपालिकामा स्वतन्त्र उम्मेदवार जित नजिक रहेका र धरान उपमहानगरपालिकामा स्वतन्त्र उम्मेदवारले जितेपछि एक्लैलाई काम गर्न असहज हुने टिप्पणी हुँदै आएको बेला शर्माको यो अभिव्यक्ति आएको हो ।

शर्माले भनेका छन्, ‘कसरी काम गर्लान् ? प्रश्न नगरी जनताको हितमा काम गर्न सघाउनुपर्छ ।’ धरान उपमहानगरपालिकामा निर्वाचित प्रमुख हर्क साम्पाङलाई उनले बधाई पनि दिँदै साम्पाङसहितका स्वतन्त्र उम्मेदवारहरूको जितले दलहरूलाई दिएको सन्देशलाई आत्मसाथ गर्नुपर्ने शर्मा बताउँछन् ।

माओवादीप्रति लक्षित गर्दै शर्माले ‘बुलेट’ले उदाएकालाई समेत स्वागत गर्ने लोकतन्त्रले ‘ब्यालेट’बाट आएकालाई सहज आत्मसाथ गर्नुपर्ने बताए । बुलेटझले उदाएकालाई समेत स्वागत गर्ने लोकतन्त्रले ब्यालेटझबाट आएकालाई सहज आत्मसात गर्नुपर्छ । धरान–धनगढी या कहिँपनि स्वतन्त्रको जीतले मुख्य दलहरुलाई दिएको सन्देश हामीले आत्मसात गर्नुपर्छ ।’