गन्न बाँकीभन्दा मतान्तर बढी भएपछि भरतपुर महानगरपालिकाको उपमेयरमा चित्रसेन अधिकारी विजयी

९ जेठ, चितवन । अन्तिम मतगणना नसकिक्दै भरतपुर महानगरपालिकाको मेयर पदमा नेपाली कांग्रेसका चित्रसेन अधिकारी विजयी भएका छन् । उनले राखेको मतान्तरभन्दा गन्ने मतको संख्या कम भएपछि उनलार्य विजयी घोषित गरिएको हो ।

मतगणना नसकिँदै उनले विजय हासिल गरेका छन् । भरतपुरमा १ लाख २७ हजार ५६६ मत खसेको थियो । जसमा १ लाख १३ हजार ८७७ मत गणना सकिइसक्दा सत्ता गठबन्धनका उम्मेदवार चित्रसेनले ४७ हजार २२८ मत पाएका छन् ।

उनले १९ हजार ५१४ को मतान्तर बनाएका छन् । अब भरतपुरमा १३ हजार ६८९ मत गन्न बाँकी हुँदा अधिकारीले १९ हजार बढी मतान्तर बनाइसकेकाले मतगणना सकिनुअघि नै विजयी भएका हुन् । यस्तै भरतपुरमा सत्ता गठबन्धनकै मेयर उम्मेदवार रेनु दाहाल पनि जित नजिक पुगेकी छन् ।