महिलामाथि हातपात गरेको आरोपमा प्रदेश राज्यमन्त्री विमला वली प्रहरी नियन्त्रणमा

३१ जेठ, दाङ । लुम्बिनी प्रदेशकी स्वास्थ राज्यमन्त्री विमला कुमारी खत्री वलीलाई प्रहरीले नियन्त्रणमा लिएको छ । उनलाई एक महिलामाथि हातपात गरेको अभियोगमा पक्राउ गरिएको हो । स्थानीयले खबर गरेपछि नियन्त्रणमा लिइएको इलाका प्रहरी कार्यलय तुलसीपुरले जनाएको छ ।

तुलसीपुर उपमहानगर–५ स्थित सब्जिमण्डी बजार नजिकै एकजना महिलालाई घरमा गएर कुटपिट गरेको भन्दै स्थानीयले प्रहरीलाई खबर गरेका थिए ।

मंगलबार बिहान ती महिलालाई राज्यमन्त्री वलीले हातपात गरेकी हुन् । घरभित्र पसेर महिलालाई हातपात गरेपछि स्थानीयको उजुरीका आधारमा राज्यमन्त्रीलाई नियन्त्रणमा लिएइको प्रहरीले जनाएको छ ।