लागत भन्दा तेब्बर बढी रकम लिएर कामदार मलेशिया पठाउँदै डेस्टिनी प्लेसमेन्ट सर्भिस

२६ साउन, काठमाडौं । मलेशिया कामदार पठाउने नेपाली म्यानपावर कम्पनीहरुले अन्तर्वार्ता हुन भन्दा अगाडि नै रकम वोलकवोल गरी रकम समेत लिएर अन्तर्वार्ता पास गराउने र कामदार छनोट गर्ने गरेको पाइएको छ ।

म्यानपावर कम्पनी र एजेन्टले प्रति कामदार ३ लाख देखि ३ लाख ५० हजार सम्म लिने गरेका छन् । अफिस रेट ३ लाख राखेर एजेन्टले छुट्टै रकम लिने प्रचलन छ ।

कामदार छनोट नगरी रकम लिएर अन्तर्वातामा सहभागी गराउनु र छनोट गर्नु वैदेशिक रोजगार ऐन २०६४ विपरित र सरकारले लागु गरेको सुन्य लागत विपरितको कार्य हो । अधिकांस म्यानपावर व्यवसायी र एजेन्टहरुले वैदेशिक रोजगारीमा जाने कामदारको सुइको पाउने वित्तिकै पासपोर्ट खिचेर स्वास्थ्य परिक्षण गराउन लगाउने गरेका छन् ।

उनीहरुसँग मलेसियाको डिमाण्ड नै नभए पनि मेडिकल गराएर कामदारलाई अडकाउने गरेका छन् । मलेशियाको स्वास्थ्य परिक्षण ३ महिनापछि मान्यता खारेज हुन्छ,अनि फेरि स्वास्थ्य परिक्षण गराउन म्यानपावर कम्पनी र एजेन्टहरुले दबाब दिने गरेको पिडितहरुले उल्लेख गरे । यो वैदेशिक रोजगारीमा देखिएको विकृति हो । यस्ता सयौंको संख्यामा रहेका विकृतिलाई सरकारले नियन्त्रण गर्ने चासो राखेको छैन ।

वैदेशिक रोजगार विभागमा दर्ता कायम रहेको दर्ता नं.८८६. ०६७/०६८ का सञ्चालक विदुर ५ नुवाकोटका सुरज के.सी.ले प्रति कामदार ३ लाख लिएर मात्रै अन्तर्वार्तामा सामेल गराएरका छन् । सुरुमै रकम वोलकवोल गरी मलेशिया रोजगारीकोलागि नेपाली कामदार छनौट गर्ने गरेका छन् । यो उनको अफिस रेट हो । एजेन्टले अफिस रेट बाहेक ५० हजार बढी उठाउने गरेका छन् । एजेन्टलाई सम्बन्धित म्यानपावरबाट प्रति कामदार÷प्रति पासपोर्ट १० हजारदेखि २० हजार सम्म कमिसन आउने गर्दछ ।

सञ्चालक के.सी.ले गुण्डागर्दीको शैलीमा रकम असुली रहेका छन् । सुरज के.सी.को म्यानपावर फ्रन्टलाईन रिक्रुटमेन्टमा लगातार कामदार छनौटकोलागि अन्तर्वाता भैरहेको छ । ३ लाख देखि ३ लाख ५० हजार दिन तयार नहुने व्यक्तिलाई अन्तर्वातामा सामेल गराईएको छैन ।

सञ्चालक के.सी.ले ३ लाख भनेपछि फ्रन्टलाईन रिक्रुटमेन्टबाट मलेशिया रोजगारीमा जान लागेका वाङगेल लामाले आफ्नो पासपोर्ट फिर्ता लिन के.सी.को फ्रन्टलाईन म्यानपावर आसपास घुमिरहेका थिए । आँफुलाई उच्च राजनीतिक संरक्षण रहेको धम्की दिँदै गण्डागर्दीकै शैलीमा के.सी.ले पासपोर्ट फिर्ता नदिने,मोटो रकम तिरे रोजगारीमा जान नमान्न कामदारलाई धम्काएरै रकम असुल्ने गरेको श्रोतले दाबी गरेको छ । यी सञ्चालक राजनीतिक छाहारीमा रहेका एक गुण्डा हुन ।

त्यसै गरी वैदेशिक रोजगार विभागमा दर्ता कायम रहेको दर्ता नं.११५७ का सञ्चालक रुद« खड्काले मलेशिया जाने कामदारसँग चर्को रकम अशुलीरहेको सुचना प्राप्त भएको छ । खड्काले प्रतिकामदार दुई लाख ५० हजार देखि ३ लाख सम्म रकम असुलीरहेका छन् । सुवास खड्का,बिरास खड्का,डेभिड भट्टराई र निश्चल खड्काले नक्कली म्यानपावरको नामबाट रकम असुलीरहेको श्रोतले जानकारी दिएको छ ।

सिनामङ्गल ९ एयरपोर्टमा रहेको मेहन्दी ओभरसिजको ग्राउण्ड फ्लोर पहिलो तल्ला र तेश्रो तल्लामा कन्सलटेन्सी र नक्कली म्यानपावरको नाममा रकम असुली भईरहेको श्रोतले उल्लेख गरेको छ । आँफुलाई कन्सलटेन्सीको सञ्चालक बताउने प्रदिप खत्रीले भारतको वाटो हुँदै नेपाली कामदारहरुलाई क्रोरेसिया,पोल्याण,माल्टा लगायतका मुलुकमा पठाउने गरेका छन् ।

त्यहाँ कुनै कम्पनी वा कन्सलटेन्सीको वोर्ड राखिएको छैन । तर ती २ तल्ला मेहन्दी म्यानपावर होइन । वैदेशिक रोजगार विभाग भने अनभिज्ञ जस्ते रहेको छ । वैदेशिक रोजगार विभागमा दर्ता कायम रहेको दर्ता नं.१६३ का सञ्चालकहरु सुमन श्रेष्ठ,पार्वती राई गुरुङ,श्याम थापा र शंकर ढकालले मलेशिया रोजगारीमा जाने नेपाली कामदारसँग तीन लाख हाराहारी रकम अशुलेको जानकारी प्राप्त भएको छ ।

सरकारले गरेको सुन्य लागतको सम्झौतालाई व्यवसायीहरुले धोती लगाई दिएका छन् भने राजनीतिक पार्टीका शिर्षस्थ र उच्च ओहोदामा बसेका नेताहरु,तिनका आसेपासेले नै मलेशिया,खाडी लगायत नेपालीहरु वैदेशिक रोजगारीमा जाने विभिन्न मुलुकमा कुटनीतिक मर्यादा विपरित म्यानपावर व्यवसायीसँग मिलेर डिमाण्ड झार्ने र वैदेशिक रोजगारीमा जाने सर्वसाधारण नागरिकसँग ठूलो रकम असुल्न प्रोत्साहन गरी अनियमितता गरेको पाइएको छ । जसले देश र नेपाली जनताको शिर झुकाएको छ ।

गुमनाम संस्थाका सञ्चालक प्रदिप खत्री । मेहेन्दी ओभरसिजको नाममा विभिन्न संस्था र कन्सलटेन्सीको नाममा ठगी गर्दै म्यानपावर सञ्चालक र म्यानपावरका कर्मचारीहरु ।