राजदूत शर्माले भारतीय गृहमन्त्रीलाई भेटे

१४ भदौ, काठमाडौं । भारतका लागि नेपाली राजदूत डा. शंकर शर्माले भारतका गृहमन्त्री अमित शाहसँग गृह मन्त्रालयमा भेटवार्ता गरेका छन् । भेटवार्तामा नेपाल र भारतबीचको समग्र द्विपक्षीय सम्बन्धको समीक्षा भएको राजदूत शर्मा बताए ।

भारतको गृह मन्त्रालयले राजदूत शर्माले शाहसँग भेटवार्ता गर्दै गरेको तस्विर सामाजिक सञ्जालमा साझा गरेको छ । गृहमन्त्री शाहसँग भेटेर कुरा गर्न पाउँदा खुसी लागेको राजदूत शर्माको प्रतिक्रिया छ । शर्माले भारतमा राजदूतको कार्यभार सम्हाले यता उच्च स्तरीय भेटवार्तालाई तिब्रता दिएका छन् । असारमा भारतीय सेना प्रमुख मनोज पाण्डेसँग भेटवार्ता गरेका थिए ।

यस्तै राजदूत शर्माले साउनमा भारतीय विदेश सचिव विनय मोहन क्वात्रासँग भेटवार्ता गरेका थिए । पछिल्लो समय राजदूत शर्माले भारतीय पक्षको भेटवार्तालाई तीव्रता दिएको देखिन्छ ।