नेपाल प्रहरीले १८० वटा गाडी खरिद गर्ने

१४ भदौ, काठमाडौं । आगामी प्रतिनिधिसभा र प्रदेशसभा निर्वाचनको सुरक्षाका लागी अर्थ मन्त्रालयले प्रहरी प्रधान कार्यालयलाई गाडी खरिद गर्न सहमति दिएको छ । तर अर्थले सशर्त दिएको सहमति अनुसार नेपाल प्रहरीले १ सय ८० वटा गाडी खरिद किन्ने बताइएको छ । प्रहरीले ठुला साना गरेर ७ सयभन्दा धेरै गाडी खरिद गर्नुपर्ने प्रस्ताव गरेको थियो ।

पिकअप (डबल क्याप) गाडी खरिदका लागी अर्थ मन्त्रालयले ७५ करोड बजेट स्वीकृत गरेको नेपाल प्रहरीले जनाएको छ । तर, अर्थ मन्त्रालयले एउटै स्वरूपको पिकअप ७५ करोडबाट नबढ्ने गरी खरिद गर्न बजेट सुनिश्चित गरेको छ ।

अर्थ मन्त्रालयले प्रति गाडी ५० लाखभन्दा नबढ्ने गरी खरिद गर्न प्रहरी प्रधान कार्यालयलाई भनेको छ ।
गत् वैशाखमा सम्पन्न स्थानीय तह निर्वाचन अघि पनि पनि प्रहरीले गाडी किन्नुपर्ने प्रस्ताव गरेको थियो । तर, अर्थले सहमति नदिएपछि त्यतिबेला खरिद गरिएको थिएन । नेपाल प्रहरीले त्यत्तिबेला ६१० वटा गाडी खरिद गर्ने प्रस्ताव गरेको थियो ।