सिट बाँडफाँड कार्यदलको बैठक बस्दै, आजै टुंग्याउने तयारी

१५ भदौ, काठमाडौं । सत्तामा रहेका पाँच दलले आगामी चुनावका लागि सिट बाँडफाँड गर्न गठन गरेको कार्यदलको बैठक आज पनि बस्दैछ । आगमी ४ मंशिरमा हुने प्रतिनिधिसभा र प्रदेश सभा निर्वाचनका लागि सिट वाँडफाँटका् जारी प्रयासलाई टुंगोमा पुरयाउनका लागि कार्यदलको बैठक आज बस्न लागेको हो ।

सिट बाँडफाँट टुंग्याउन सत्ता गठबन्धनका शीर्ष नेताको बैठक पनि आजै बस्ने बताइएको छ । सहमति गर्न गठबन्धनभित्रका दलहरुबीच छुट्टाछुट्टै र संयुक्त बैठक बस्नेछ । उक्त सहमतिका आधारमा कार्यदलले प्रतिनिधि सभाको सिट बाँडफाँट टुंग्याउनेछन् । शीर्ष नेताको बैठक साँझ पाँच बजे बस्नेछ ।

प्रतिनिधिसभाका १ सय ६५ तथा प्रदेशसभाका ३ सय ३० सिटका लागि सत्तारुढ दल बिच सिट वाँडफाँटका लागि प्रयास भईरहेको भए पनि तीन साता नाघिसक्दा पनि टुगोमा पुग्न सकेको छैन । बैठकमा प्रतिनिधि सभा र प्रदेश सभा सदस्यमा सिट बाँडफाँडको विषय समेत छलफल भएको छ। तर ठोस सहमति हुन सकेको छैन् ।

नेपाली कांग्रेसले १ सय, नेकपा माओवादी केन्द्रले ६०, नेकपा एसले ४०, जसपाले २०, राष्टिय जनमोर्चाले २ सिटमा दावी गरे पछि कार्यदल निष्कर्षमा पुग्न सकेको छैन । यद्धपी, शिर्ष नेताहरुको बैठकवाट टुंगो लगाउने भने पनि पुनः कार्यदललाई विस्तृत प्रतिवेदन तयार पार्न निर्देशन दिए पछि आज बैठक बस्न लागेको हो ।