७० प्रतिशत टिकट संगठनमा जुझारु युवा साथीहरुलाई दिनैपर्छ: ई.रञ्जित कर्ण, संविधानसभा सदस्य एवं युवा नेता

नेपाल विद्यार्थी संघबाट कांग्रेस राजनीतिमा खारिएका युवा नेता हुन् ईन्जिनियर रञ्जित कर्ण । सप्तरीका स्थायी बासिन्दा कर्ण नेविसंघको पूर्व केन्द्रीय सभापति पनि हुन् । पुल्चोक ईन्जिनियरिङ कलेजको पूर्व स्ववियू सभापतिसमेत रहेका कर्ण यूवा बिद्यार्थीहरु माँझ लोकप्रिय छन् ।

संविधानसभा सदस्य भईसकेका उनी विद्यार्थी राजनीतिसँगै पार्टी राजनीतिमा पनि त्यत्तिकै सवल र सक्षम नेता हुन् । सधैं पार्टी संगठनमा दत्तचित्त उनी कर्मठ युवा नेता तथा स्पष्टवक्ताको रुपमा चिनिन्छन् । विपन्त तथा आवाजबिहीनहरुको आवाज बुलन्द गर्ने कर्ण मधेशप्रदेशका प्रिय नेताको स्थापित छन् ।

मधेशप्रदेशको भावी मुख्यमन्त्रीका रुपमा हेरिएका कर्ण १४ औं महाधिवेशनमा सहमहामन्त्रीका प्रत्यासीसमेत रहेका थिए । आगामी निर्वाचनमा युवा वर्गलाई ७० प्रतिशत टिकट दिनुपर्ने धारणा राख्ने उनी अहिलेका जनताले युवा र अवसरबाट बञ्चित योग्य नेता चाहेको सुझाउँछन् । उनै नेता कर्णसँग आमनिर्वाचनमा केन्द्रित रहेर नेपालबहसका लागि कालिका महतले गरेको कुराकानीको सम्पादित अंशः

नेपाली कांग्रेसले आगामी प्रदेश र प्रतिनिधिसभा निर्वाचनमा गठबन्धन गरेर जाने निर्णय गरेको छ । तर, पार्टीमा एक्लै चुनावमा जानुपर्ने आवाज पनि एकथरी नेताहरुले उठाइरहेका छन् यसलाई कसरी लिनुभएको छ ?

सर्वप्रथम त म के जानकारी गराउन चाहन्छु भने नेपाली कांग्रेसभित्र आसन्न मंसिर ४ गते हुने संघ र प्रदेशसभा निर्वाचनमा एक्लै लड्नुपर्छ भन्ने धारणा आधिकारिक रुपमा आएको छैन । हिजोका दिनहरुमा त्यस्ता धारणाहरु हुँदा हुन् । पार्टीबाट आधिकारिक रुपमा गठबन्धनमा जाने घोषणा भइसकेपछि सबैले मनस्थिति बनाइसकेको अवस्था छ ।

पार्टीले कार्यसमितिको वैठक बसेर गठबन्धनको सन्दर्भमा आधिकारिक निर्णय पनि गरिसकेको छ । त्यसकारण पनि नेपाली कांग्रेसका सम्पूर्ण नेता, कार्यकर्ता गठबन्धनकै पक्षमा रहेको देखिन्छ । बाहिर व्यक्तिगत रुपमा कसैले फरकमत राखेपनि पार्टीको आधिकारिक धारणा गठबन्धनकै पक्षमा छ । सीट बाँडफाडमा बहस, छलफल भईरहेकाले परिणाममा नदेखिएको मात्रै हो । त्यसको बारेमा पनि अब एक, दुई दिन भित्रै आधिकारिक रुपमा परिणाममा पनि आउँछ ।

अहिले पार्टी सभापतिले पेल्ने, आफ्ना पक्षकालाई मात्रै बढी दिने र फरकमतको कुरै नसुन्ने गर्नुभएको छैन । यो चुनावमा गुट–उपगुटको कुरा नगरी सबैलाई न्याय हुनेगरी मिलाएर जान सभापति शेरबहादुर देउवाले भूमिका निर्वाह गर्नुभएको छ । त्यसमा इमानदार, लोकप्रिय र स्वच्छ छवि भएका युवाहरुलाई समेटेर अगाडि बढ्दा राम्रो जीत हासिल गर्न सकिन्छ भन्नेमा सभापतिज्यू पनि जानकार हुनुहुन्छ ।

गठबन्धनमा सीटको भागबन्डा मिलिरहेको छैन । यसलाई कसरी र कहिले टुंग्याउनुहुन्छ त ?

नेपाली कांग्रेसभित्र गठबन्धनको विषयलाई लिएर खासै विवाद छैन । पार्टीका शीर्ष नेताहरु छलफल गरिरहनुभएको छ । कतिपय सैद्धान्तिक कुरा छन् । कतिपयमा संख्याको कुरा पनि छ । आफ्नै पार्टीभित्र संख्याको विषयमा समस्या भइरहेको छ । धेरै त्याग, तपस्या, बलिदानी गरेका दिग्गजदिग्गज साथीहरु हुनुहुन्छ । पार्टीभित्र लामो योगदान गरेपनि अवसर नपाउनुभएका धेरै नेता, कार्यकर्ता साथीहरु हुनुहुन्छ । त्यसलाई पनि सम्बोधन गर्नुपर्ने छ ।

पुराना, त्यागी र इमानदार साथीहरुको माग सम्बोधन गर्नुपर्ने छ । त्यसको लागि पनि शीर्ष नेताहरुलाई सीट बाँडफाँडमा समस्या भएको छ । तर, यस्तो विषयमा अल्झिएर हुँदैन । अब छिट्टै नै सीट बाँडफाँडको विषय टुंगिन्छ । अब चुनावको दिन नजिकिइएकाले पनि सीट बाँडफाँडको विषयमा अलमल गर्नुहुँदैन । यहाँ सीट कति पाउनेभन्दा पनि गठबन्धनका सबै दलहरुले आफ्नो क्षमता र हैसियत अनुसारको सीट लिने र लिएको ठाउँ गुम्न नदिने गरी अगाडि बढ्न जरुरी छ ।

कांग्रेसमा टिकटका आकांक्षीहरु धेरै छन्, गठबन्धनले सीट थोरै प्राप्त होला, यसलाई मिलाएर विवाद मत्थर पार्न तपाईंहरु जस्ता युवा नेताहरुको भूमिका कस्तो रहने छ ?

यसमा युवाहरुले बढीभन्दा बढी अवसर पाउनुपर्छ भन्ने हाम्रो मुख्य माग हो । जो धेरै वर्षदेखि इमान्दारितापूर्वक पार्टी संगठनमा लाग्नुभएको छ । जो सिनियर युवा हुनुहुन्छ । जो आफ्नो क्षेत्रका जनतासमक्ष लोकप्रिय हुनुहुन्छ । जसले लामो समयदेखि पार्टीमा लगानी गरेर जनप्रतिनिधि भएर सेवा गर्ने अवसर पाउनुभएको छैन । त्यस्तो साथीहरुले अवसर पाउनुपर्छ । गठबन्धन भइसकेपछि नेपाली कांग्रेसले सबै निर्वाचन क्षेत्रमा उम्मेदवारी दिन पाउँदैन । झन्डै ९० प्रतिशत कुरा सहमति नजिक पुगिसकेको छ । अब १० प्रतिशत मात्रै मिल्न बाँकी छ ।

जसलाई टिकट दिँदा अरुलाई पनि चुनाव जिताउन सहज हुन्छ । त्यस्ता व्यक्तिलाई एउटा मापदण्ड बनाएर यो गुट, ऊ गुट, तेरोमेरो नभनिकन योगदानका आधारमा टिकट वितरण गर्ने हो भने तराईमा पनि कांग्रेसले राम्रो जीत हासिल गर्छ । त्यसको लागि पार्टी सभापति शेरबहादुर दाई इमान्दारीपूर्वक निश्पक्ष ढंगले लागिपर्नुभएको छ ।

गठबन्धनका कारण सबैले भनेको र मागेको ठाउँमा नपाउन सक्नुहुन्छ । तर, इमानदार, लोकपिय, जनमत भएका साथीहरुबाटै आउनुहुन्छ । त्यसमा कोही संघमा, कोही प्रदेशमा र कोही राष्ट्रियसभामा पनि आउन सक्नुहुन्छ । कतिपयलाई पार्टीभित्र जिम्मेवारीमा रहेर काम गर्नुपर्ने हुन्छ । त्यस विषयमा बसेर गम्भीर रुपमा छलफल गरेर अगाडि बढ्नुपर्छ । तर, निर्णय गर्ने प्रक्रिया चाहीं इमान्दारीपूर्वक हुनुपर्छ । निर्णय गर्दा मापदण्ड बनाएर गर्नुपर्छ ।

योगदानको आधारमा न्यायोचित टिकट वितरण भयो भने नेपाली कांग्रेसले राम्रोसँग चुनाव जित्छ । त्यागी, इमान्दार र लोकप्रिय साथीहरुलाई न्याय हुनेगरी मिलाउन नेतृत्वलगायत सम्पूर्ण पार्टीपंक्ति लागिपरेको छ । यसपाली नेपाली कांग्रेसले सकेसम्म विवादरहित ढंगले सीट बाँडफाँडको टुंगो लगाउने योजना लिएको छ । यसरी इमान्दारीपूर्वक योगदान हेरेर निर्णय गरियो भने विवाद मत्थर हुन्छ ।

कांग्रेस सभापति देउवाले उम्मेदवार चयन गर्दा एकलौटी गर्न खोजेको कोइराला पक्षको आरोप छ, कांग्रेसमा पटक–पटक यस्तो विवाद किन आइहन्छ ?

पहिला पार्टी सभापतिको त्यो चाहना हुन पनि सक्छ । तर, अहिलेको सन्दर्भमा सभापति निकै उदार ढंगले अगाडि बढ्नुभएको छ । उहाँ अहिले नेपाली कांग्रेसलाई कसरी बढीभन्दा बढी स्थानमा विजयी गराउन सकिन्छ त्यतातिर केन्द्रित हुनु भएको देखिन्छ । वरिष्ठ नेता डा. शेखर कोइराला, महामन्त्री गगन थापाहरुले पनि सभापतिको कुरालाई इमानदारीपूर्वक पालना गर्नुभएको छ । शेखर दाईको केही फरकमत भएपनि गठबन्धन र सीट बाँडफाँडको विषयमा इमान्दारीपूर्वक पार्टीभित्र सहयोगी भूमिका निभाईरहनु भएको छ ।

मैले सप्तरी २ को ‘ख’ बाट आफ्नो उम्मेदवारी दिएको हुँ । त्यो कुरा जिल्ला, क्षेत्र, प्रदेशबाट सिफारिस भएको छ । अब केन्द्रबाट निर्णय हुन बाँकी छ । त्यसको लागि केन्द्रले पनि उचित, जायज र योगदानको आधारमा न्यायपूर्वक ढंगले निर्णय हुन्छ भन्नेमा ढुक्क छु । यदि केन्द्रले विवेकपूर्ण ढंगले निर्णय गरेमा सप्तरीमा नेपाली कांग्रेसले राम्रो जीत हासिल गर्न सक्छ ।

त्यसकारण अहिले पार्टी सभापतिले पेल्ने, आफ्ना पक्षकालाई मात्रै बढी दिने र फरकमतको कुरै नसुन्ने गर्नुभएको छैन । यो चुनावमा गुट–उपगुटको कुरा नगरी सबैलाई न्याय हुनेगरी मिलाएर जान सभापति शेरबहादुर देउवाले भूमिका निर्वाह गर्नुभएको छ । त्यसमा इमानदार, लोकप्रिय र स्वच्छ छवि भएका युवाहरुलाई समेटेर अगाडि बढ्दा राम्रो जीत हासिल गर्न सकिन्छ भन्नेमा सभापतिज्यू पनि जानकार हुनुहुन्छ ।

तपाईं संविधानसभा सदस्य पनि भइसक्नुभयो, युवाहरुमा राम्रो सम्भावना बोकेको नेता हुनुहुन्छ । तराईमा नेपाली कांग्रेसले जीत हात पार्न के/कस्तो रणनीति अपनाउनुपर्छ जस्तो लाग्छ ?

यसमा पहिलो कुरा त अहिले टिकट दिने कुरा भइरहेको छ । त्यसमा एउटा कङ्क्रिट मापदण्ड बनाएर वितरण गर्नुपर्छ । दोस्रो नेपाली कांग्रेसभित्र जति पनि भ्रातृ, मातृ, शुभेच्छुक संघ संगठनहरु छन् । जस्तो नेविसंघ, तरुण दल, महिला सघं, ट्रेड युनियन कांग्रेस, नेपाल प्रेस युनियन, विभिन्न कर्मचारी संघ, डीएलए, उद्योगी, व्यापारी, व्यवसायीलगायत सबैलाई इमानदारीपूर्वक कांग्रेस जिताउने अभियानमा सक्रिय बनाउनुपर्छ । अर्को सरकार के का लागि भन्ने मेनिफेस्टो बनिरहेको छ । सरकारको औचित्य र महत्व जनतासामू बुझाउन सक्नुपर्छ ।

सबैभन्दा ठूलो कुरा जो व्यक्ति सम्बन्धित क्षेत्रमा लोकप्रिय हुनुहुन्छ । जसको योगदानले जनताबीच राम्रो छवि बनाएको छ । जसलाई टिकट दिँदा अरुलाई पनि चुनाव जिताउन सहज हुन्छ । त्यस्ता व्यक्तिलाई एउटा मापदण्ड बनाएर यो गुट, ऊ गुट, तेरोमेरो नभनिकन योगदानका आधारमा टिकट वितरण गर्ने हो भने तराईमा पनि कांग्रेसले राम्रो जीत हासिल गर्छ । त्यसको लागि पार्टी सभापति शेरबहादुर दाई इमान्दारीपूर्वक निश्पक्ष ढंगले लागिपर्नुभएको छ ।

नेपाली कांग्रेसका साथीहरुले रुख चिन्हबाहेक अन्य चिन्हमा भोट हाल्न सक्दैनन् । सप्तरीमा मात्रै होइन देशैभरका कांग्रेसका नेता, कार्यकर्ताहरुले जब संघ र प्रदेश दुवैमा एउटै चुनाव चिन्ह रुख छापमा भोट हाल्न पाउँदैनौं तबसम्म कुनै पार्टीलाई सहयोग गर्न सक्दैनौ भन्ने धारणा छ । अझ सप्तरीको सन्दर्भमा यो कुरा बलियो रुपमा अगाडि आएको छ ।

तपाईंको उम्मेदवारी सप्तरीको कुन क्षेत्रबाट हो नि ?

मैले चाहीं आफ्नो सप्तरीको क्षेत्र नं. २ ‘ख’ बाट दिएको छु । यसमा मेरो कुरा के छ भने पार्टी एकढिक्का भएर गठबन्धनमा जाने भइसकेपछि संस्थागत रुपमै नेपाली कांग्रेसका कार्यकर्ता र जनताले संघीय र प्रदेशमा आफ्नो चुनाव चिन्ह रुख छापमा भोट हाल्न पाउने सैद्धान्तिक निर्णय पनि गरेको छ । त्यसलाई पूर्ण रुपमा लागु गर्नुपर्छ । जिल्ला र क्षेत्रको सन्दर्भमा पनि यदि गठबन्धन नै गर्ने हो भने त्यो कुरा लागु गर्नुपर्छ । त्यसकारण पनि मैले सप्तरी २ को ‘ख’ बाट आफ्नो उम्मेदवारी दिएको हुँ । त्यो कुरा जिल्ला, क्षेत्र, प्रदेशबाट सिफारिस भएको छ । अब केन्द्रबाट निर्णय हुन बाँकी छ । त्यसको लागि केन्द्रले पनि उचित, जायज र योगदानको आधारमा न्यायपूर्वक ढंगले निर्णय हुन्छ भन्नेमा ढुक्क छु । यदि केन्द्रले विवेकपूर्ण ढंगले निर्णय गरेमा सप्तरीमा नेपाली कांग्रेसले राम्रो जीत हासिल गर्न सक्छ ।

तपाईं संविधानसभा सदस्य पनि हुनुभयो, नेविसंघको केन्द्रीय अध्यक्ष पनि हुनुभयो । सप्तरीमा कांग्रेस एक्लै लड्दा पनि चुनाव जित्छ त ?

सप्तरीमा कांग्रेस नेपाली कांग्रेस एक्लै चुनाव लडेपनि मजाले जीत हासिल गर्न सक्छ । हिजोका दिनमा पनि सप्तरीमा कांग्रेसले एक्लै चुनाव जितेको हो । त्यतिबेला गजेन्द्रबाबुलगायतका नेताहरुलाई निस्वार्थ ढंगले सहयोग गरेर आएका हौं । अहिलेको निर्वाचनमा पनि सबैले सहयोग गर्नुहुन्छ भन्नेमा विश्वस्त छौं । अहिलेको सन्दर्भमा कुरा गर्नुपर्दा पनि नेपाली कांग्रेसका साथीहरुले रुख चिन्हबाहेक अन्य चिन्हमा भोट हाल्न सक्दैनन् ।

सप्तरीमा मात्रै होइन देशैभरका कांग्रेसका नेता, कार्यकर्ताहरुले जब संघ र प्रदेश दुवैमा एउटै चुनाव चिन्ह रुख छापमा भोट हाल्न पाउँदैनौं तबसम्म कुनै पार्टीलाई सहयोग गर्न सक्दैनौ भन्ने धारणा छ । अझ सप्तरीको सन्दर्भमा यो कुरा बलियो रुपमा अगाडि आएको छ । पार्टीले जति गठबन्धन गरेपनि जबसम्म नेपाली कांग्रेसले रुख छापमा मत हाल्ने वातावरण बनाएर निर्णय गर्दैन । यस क्षेत्रमा एउटा संघ र दुईवटा प्रदेश नेपाली कांग्रेसले पाउँदैन भने साथीहरु अरु चिन्हमा मत हाल्न तयार हुनुहुन्न । यो हाम्रो जिल्लाको धारणा हो । त्यसमा पार्टी केन्द्रीय समितिले विवेक पुर्याएर निर्णय गर्नुहुन्छ भन्नेमा हामी विश्वस्त छौं ।

गठबन्धन चाहीं सबैं जिल्लामा हुन्छ कि केही ठाउँमा कांग्रेस सिंगल लड्छ ?

गठबन्धनमा जाने भनेर पार्टीले आधिकारिक निर्णय गरिसकेपछि त सबै जिल्लामा एउटै निर्णय हुने हो । अब गठबन्धनभन्दा बाहिर सोच्न पनि सकिँदैन । देशैभर इमादारीपूर्वक एकढिक्का भएर जहाँ जहाँ जुन पार्टीको वर्चस्व छ । जुन ठाउँमा जसलाई दिँदा सजिलै चुनाव जित्न सकिन्छ त्यसलाई ध्यान दिएर चुनावमा जान्छौं ।

मधेश प्रदेश देशकै अन्न भण्डार भनेर चिनिन्छ । उर्जा, विभिन्न खानीको क्षेत्रमा पनि त्यत्तिकै सम्भावना भएको ठाउँ हो । त्यसैले मधेशलाई प्रादेशिक रुपमा जुन पहिचान दिइएको छ । त्यसलाई अधिकार सम्पन्न बनाएर स्थानीय साधन, स्रोत र सम्भावनालाई सँगै लिएर अगाडि बढ्ने हो भने यहाँका धेरै युवा साथीहरुले रोजगारी पाउनुहुने छ ।

त्यसोभए गठबन्धन भइसकेपछि कांग्रेसले अरु पार्टीलाई छोडेको ठाउँमा पनि इमान्दार भएर भोट हाल्छ, हो ?

हाल्नुपर्छ । किनभने इमानदारीपूवर्क गठबन्धनमा जाने भइसकेपछि त्यसमा तयार हुनुपर्छ । हामीले पाएको ठाउँमा उहाँहरुले इमानदारिताका साथ भोट हाल्ने भएपछि हामीले त्यो इमान गुमाउनुहुँदैन । किनभने चुनावमा सबैको सहयोग आवश्यक भएरै गठबन्धनमा जाने निर्णय गरिएको हो । अनि सबै ठाउँमा हामीले मात्रै पाउनुपर्छ भन्ने हुँदैन नि । अरु पार्टीका साथीहरुले पनि नेपाली कांग्रेसलाई सहयोग गर्दछन् नि त । एउटै कुरा हामीले गठबन्धन गर्दा कांग्रेससहितको सबै निर्वाचन क्षेत्रमा भयो भने नेपाली कांग्रेसका साथीहरुले इमान्दारीपूर्वक मान्न तयार छन् ।

सबैतिर युवा तथा नयाँ अनुहारको कुरा आइरहेको छ, पुराना नेताहरु पनि टिकटको लाइनमा छन् कसरी मिलाउनुहुन्छ त ?

यसपालीको निर्वाचनमा ७० प्रतिशत टिकट युवाले पाउनुपर्छ भनेका छौं । ३० प्रतिशत चाहीं पुराना, पाका अग्रज नेताहरुलाई दिनुपर्छ । अग्रजलाई टिकट दिईरहँदा उहाँहरु पनि जित्ने व्यक्ति भएको हुनुप¥यो । तर, अहिलेको सन्दर्भमा ७० प्रतिशत टिकट संगठनमा जुझारु युवा साथीहरुलाई दिनैपर्छ ।

अब ठ्याक्कै कांग्रेसले तराईंमा चुनाव जित्ने एजेन्डा चाहीं के त ?

अहिलेको सन्दर्भमा नेपाली कांग्रेसले चुनाव जित्नुपर्छ भन्ने हाम्रो मूल एजेन्डा हो । यो देशमा कांग्रेसले सामाजिक, राजनीतिक र आर्थिक रुपमा ठूलो योगदान गरेको छ । नेपाली कांग्रेसले नै यो देशमा शान्ति, समृद्धि र विकासको एजेन्डा ल्याएको हो । मधेशका साथीहरुले पनि शान्ति र विकास खोजेका छन् । पहिलो कुरा मधेशमा विकास र शान्ति मूल एजेन्डा हो । दोस्रो मधेशमा दलित, अल्पसंख्यक, मुस्लिम, उत्पीडित तथा न्यून आय भएका वर्गमा ठूलो समस्या छ । तराईमा अशिक्षित वर्गहरु पनि धेरै छन् । अशिक्षाका कारण समाजमा विभिन्न आपराधिक घट्नाहरु धेरै हुने गरेका छन् । त्यसमा विशेष ध्यान दिनुपर्ने छ । त्यसको लागि शिक्षा, स्वास्थ्य, स्वरोजगारी र आर्थिक समृद्धिको दरिलो एजेन्डा हुनुपर्छ ।

दिनप्रतिदिन युवा जनशक्ति रोजगारीको लागि विदेशिएका छन् । तिनलाई देशमै रोक्न कस्तो रणनीति बनाउनुभएको छ ?

जबसम्म देशमा आर्थिक गतिविधि सहज रुपमा हुँदैन । जबसम्म रोजगारी सिर्जना हुने उद्योगधन्दा, कलकारखाना सञ्चालन हुँदैनन् । तबसम्म युवा साथीहरुले स्वदेशमा रोजगारी पाउनुहुन्न । अहिलेका युवा वर्गमा विदेश जानु बाध्यता हो । उनीहरु रहरले गइराखेका छैनन् । त्यसो हुनाले आर्थिक गतिविधि हुने योजना ल्याउनुपर्छ । मधेश प्रदेश भनेको प्राकृतिक साधन, स्रोतले भरिपूर्ण ठाउँ हो । यहाँ उपलब्ध आफ्नो स्रोत, साधनलाई हामीले परिचालन गर्न सकेका छैनौं । मधेश प्रदेश देशकै अन्न भण्डार भनेर चिनिन्छ । उर्जा, विभिन्न खानीको क्षेत्रमा पनि त्यत्तिकै सम्भावना भएको ठाउँ हो । त्यसैले मधेशलाई प्रादेशिक रुपमा जुन पहिचान दिइएको छ । त्यसलाई अधिकार सम्पन्न बनाएर स्थानीय साधन, स्रोत र सम्भावनालाई सँगै लिएर अगाडि बढ्ने हो भने यहाँका धेरै युवा साथीहरुले रोजगारी पाउनुहुने छ ।

मधेश प्रदेश भौगोलिक, प्राकृतिक, सांस्कृतिक र भाषिक रुपले सम्पन्न प्रदेश हो । यहाँ प्रादेशिक अधिकारलाई व्यवस्थित, मर्यादित र सबैको पहुँचमा हुने इमानदारीपूर्वक अधिकार सम्पन्न बनाउँदै अगाडि बढाउनुपर्छ । त्यो भयो भने मधेशका जो पढेलेखेका साथीहरु हुनुहुन्छ । उहाँहरु रोजगारीकै लागि विदेशिनुपर्ने बाध्यता हुँदैन । त्यो एजेन्डा नेपाली कांग्रेसले लागु गर्छ । त्यसको लागि आधुनिक कृषिमा जोड दिनुपर्छ । कृषि क्षेत्रलाई आधुनिकीकरण र आद्यौगिकीकरण गरेर अगाडि बढ्न जरुरी छ । त्यसको लागि हामी युवा साथीहरु सम्पूर्ण एकजुट भएर अगाडि बढ्न जरुरी छ ।