कपनको आगलागी नियन्त्रणमा, तीन जनाको मृत्यु

५ असोज, काठमाडौं । कपनको राम मन्दिर नजिकै एउटा घरमा आगलागी हुँदा तीन जनाको मृत्यु भएको छ । ट्रेकिङ्ग अफिस र ट्रेकिङ्गमा प्रयोग हुने सामान राखिएको घरमा आगलागी भएको जिल्ला प्रहरी परिसर, काठमाडौंले जनाएको छ । प्रहरीले कार्यालयमा रहेको अक्सिजनको सिलिण्डर पड्किदा ठूलो क्षति भएको जनाएको छ ।

आगलागीमा एक जनाको मृत्यु भएको हुनसक्ने जनाएको प्रहरीले आगलागी नियन्त्रणमा आएपछि तीन जनाको मृत्युको पुष्टि गरेको छ । तर मृतकको पहिचान हुन सकेको छैन् । सोही भवनको माथिल्लो तल्लामा रहेका ब्यक्तिहरुलाई प्रहरीले उद्धार गरेको थियो ।