चुनावी अभियानः सत्ता गठबन्धनको भद्रगोल, विपक्षीको आक्रामक

१८ कात्तिक, काठमाडौं । आगामी मंसिर ४ को प्रदेश र प्रतिनिधिसभा निर्वाचनको मिति नजिकिँदै गर्दा राजनीतिक दलहरुले प्रचार अभियानलाई तिब्र बनाएका छन् । आगमी निर्वाचनमा दल विशेषभन्दा पनि गठबन्धन-गठबन्धनबीच प्रतिस्पर्धा हुँदैछ ।

घरदैलो र अगुवा कार्यकर्ता प्रशिक्षणका सामान्य कार्यक्रम संयुक्त रुपमा गरेका सत्ता गठबन्धनमा रहेका दलहरुले पछिल्लो दिनमा मतदातालाई लोभ्याउने खालका कार्यक्रम दिन सकेका छैनन् । उता, विपक्षी गठबन्धनको नेतृत्व गरिरहेको नेकपा एमालेले भने प्रचारमा आक्रामक शैली अपनाएको छ ।

शुक्रबार दार्चुलाबाट आक्रामक चुनावी अभियान सुरु गरेको एमालेका अगाडी सत्ता गठबन्धनका कार्यक्रम फिक्का देखिएका छन् । सत्ता गठबन्धनले अब आफ्ना कार्यक्रमलार्य कसरी अगाडी लान्छ भन्ने खाकासमेत बनाएको छैन् । उसका साझा एजेण्डा के हुन र किन मतदान गर्ने भन्ने स्पस्ट आधार छैन् । एउटै ओली प्रतिगमनको नाराले अब जनता वाक्क हुेन अवस्था आइसकेकोे छ ।

एमालेले कम्तीमा ४० जिल्लामा अध्यक्ष ओलीलाई पुर्याउने योजना बनाएर अगाडी बढेको छ । तर, सत्ता गठबन्धनका शीर्ष नेता कहाँ छन् भन्ने पत्तोसमेत हुन छाडेको छ । विपक्षी गठबन्धनका अधिकांश पदाधिकारी आफ्नो चुनाव क्षेत्रमा केन्द्रित रहेको र जिल्लाहरुबाट पनि अध्यक्ष ओलीकै माग भइरहेको छ । उसले सबै प्रदेश र पहाड–तरार्ईलाई मिलाएर कम्तीमा ४० जिल्लामा अध्यक्षलाई लैजाने कार्यक्रम बनाएको छ ।

एमालेले चुनावी सभाहरु गरिरहँदा सत्ता गठबन्धनको नेतृत्व गरिरहेको नेपाली कांग्रेस भने योजनाविहीन देखिन्छ । २३ असोजमा उम्मेदवारी दर्तापछि सत्ता गठबन्धनमा आवद्ध ५ दलले ७ वटै प्रदेशमा कार्यकर्ता भेला गरेको थियो । तर प्रचार सुरु भएपछि जिल्ला वा निर्वाचन क्षेत्रमा शीर्ष नेताहरुको उपस्थितिमा सभा गर्ने योजना छैन । कांग्रेसको निर्वाचन परिचालन समितिका प्रमुख गोपालमान श्रेष्ठ आफै अलमलमा छन् । सभापति गृहजिल्लामा पुगेका छन भने अरु कार्यक्रम बनाउन गोपालमानलाई भेउनै छैन् ।

ऋलिकति चल्दापुर्जा भनेका कांग्रेसका महामन्त्रीद्वय गगनकुमार थापा र विश्वप्रकाश शर्मा दुबै आफ्नै चुनाव क्षेत्रमा केन्द्रित छन् । महामन्त्री थापा काठमाडौं क्षेत्र नम्बर ४ मा उम्मेदवार छन् । उम्मेदवारी दर्तादेखि नै निर्वाचन क्षेत्रमा भेटघाट थालेका थापाले शुक्रबारदेखि घरदैलो अभियान थालेका छन् । थापाको निजी सचिवालयका अनुसार उनी कात्तिक २४÷२५ तिर केही जिल्लामा जाने तयारी छ ।

अर्का महामन्त्री शर्मा झापा १ मा केन्द्रित भएका छन् । उनले पनि अर्को साता केही जिल्लामा जाने तयारी रहेको बताए । उम्मेदवार नभएका केही नेताहरुलाई उम्मेदवारहरुले बोलाएर जाने गरेका छन् । तर पार्टीले योजना बनाएर सभा गर्ने र नेताहरुलाई खटाउने कुनै योजना नभएको नेताहरु बताउँछन् । सत्ता गठबन्धन अरु नेताहरुको चुनावी अभिायना मन्द छ ।