भारत टि २० विश्वकपकाे सेमिफाइनलमा इङ्ल्याण्डसँग पराजित, फाइनलमा पाकिस्तान र इङ्ल्याण्ड भिड्ने

२२ कात्तिक, काठमाडौं । टि २० विश्वकपका आज भएको खेलमा भारतले इङ्ल्याण्डसँग लज्जास्पद हार व्यहोरेको छ । हारसँगै इङ्ल्याण्ड आईसिसी टी-२० विश्वकप क्रिकेटको फाइनलमा पुगेको छ।

भारतले दिएको १६९ रनको लक्ष्य इङ्ल्याण्ड बिना कुनै विकेट क्षति १६ ओभरमै पुरा गर्न सफल भयो । इङ्ल्याण्डको सहज जितमा ओपनर एलेक्स हेल्ले र जस बटलरले बिस्फोटक ब्याटिङ गरे।एलेक्सले ४७ बलमा ८ छक्का र ४ चौकासहित ८६ रन बनाउँदा बटलरले ४९ बलमा ३ छक्का र ९ चौकासहित ८० रन बनाए ।

त्यसअघि एडिलेड ओभलमा टस हारेर पहिला ब्याटिङ गरेको भारतले निर्धारित २० ओभरमा ६ विकेट गुमाउँदै १ सय ६८ रन बनाएको थियो । भारतका लागि हार्दिक पान्ड्याले ३३ बलमा ४ चौका र ५ छक्का प्रहार गर्दै सर्वाधिक ६३ रन बनाए ।

विराट कोहलीकाे प्रयास निकै रह्याे । उनले ४० बलमा ४ चौका र १ छक्कासहित सर्वाधिक ५० रन बनाए । योसँगै कोहली टी-२० आईमा ४ हजार रन पूरा गर्ने विश्वकै पहिलो ब्याटर बनेका छन् । उनीपछि भारतीय कप्तान रोहित शर्माले ३ हजार ८ सय ५३ रन बनाएका छन् । लोकेश राहुल ५ रनमा क्याच आउट भए ।

रोहित शर्माले २८ बलमा ४ चौकासहित २७ रनमा आउट भए । विष्फोटक ब्याटर सूर्यकुमार यादव १४ रनमा आउट भए। ऋषभ पन्तले ६ रन जोडे।

इंग्ल्यान्डका लागि क्रिस जोर्डनले सर्वाधिक ३ विकेट लिए । आदिल राशिद र क्रिस वोक्सले एक-एक विकेट लिए ।
अब इङ्ल्याण्डले उपाधिका लागि पाकिस्तानसँग आइतबार प्रतिस्धर्पा गर्नेछ । पाकिस्तानले पहिलो सेमिफाइनलमा न्युजिल्यान्डलाई ७ विकेटले हराउँदै फाइनलमा स्थान बनाएको हो ।