चुनाव बिथाेल्न संलग्नताकाे आराेपमा विप्लव नेकपाका केन्द्रीय सदस्य गिरफ्तार

२८ कात्तिक, काठमाडौं । विप्लव नेतृत्वको नेपाल कम्युनिस्ट पार्टीका केन्द्रीय सदस्य सुशिलालाई प्रहरीले गिरफ्तार गरेको छ । मुस्ताङ जिल्ला सेक्रेटरी समेत रहेकी सुशिलासँगै एक जिल्ला सदस्य प्रकाश गिरफ्तार भएका छन् ।

उनीहरुलाई चुनाव बिथोल्ने गतिविधिमा संलग्न पाइएपछि मुस्ताङको घरझोङ् गाउँ पालिका छैरोबाट गएराति गिरफ्तार गरिएको प्रहरीकाे दाबी छ। राति सादा पोशाकमा आएका प्रहरीको टोलीले गिरफ्तार गरेको नेकपाले जनाएको छ । दुवै जनलाई जिल्ला प्रहरी कार्यालयको हिरासतमा राखिएको बताइएको छ ।

पार्टीको नीति र कार्यक्रमअनुसार चुनाव भण्डाफोर अभियानमा शान्तिपूर्ण कार्यक्रमपछि बसिरहेको बेला आतंकित तुल्याउँदै गिरफ्तार गरिएको केस सुशिलाले संचारमाध्यमलाई प्रतिक्रिया दिएकी छन् ।

चुनाव बिथोल्ने तथा अवरोध खडा गर्ने गतिविधिमा संलग्न जोकोहीलाई गिरफ्तार गरी कानूनबमोजिम कारबाही चलाउन गृह मन्त्रालयले सुरक्षा निकायलाई निर्देशन दिँदै आएको छ । नेकपाले भने आगामी मंसिर ४ को आम निर्वाचन बहिष्कार गर्ने घोषणा गर्दै भण्डाफोर अभियान चलाउँदै आइरहेको छ ।