ईश्वर पोखरेलको घरदैलो कार्यक्रममा नाचगान

२८ कात्तिक, काठमाडौं । काठमाडौं क्षेत्र नं.  ५ का प्रतिनिधिसभा सदस्य पदका उम्मेदवार एमालेका वरिष्ठ उपाध्यक्ष ईश्वर पोखरेल चुनावी प्रचारमा व्यस्त छन् ।

कांग्रेसका युवा नेता प्रदीप पौडेलसहितका उम्मेदवार प्रतिस्पर्धामा रहेका बेला उनीहरुको चुनौती चिर्नेगरी पोखरेल घरदैलोसहित चुनावी कार्यक्रम व्यस्त छन् । उनीसँगै उनकाे प्रचारमा रहेका चुनावी टाेलीका कार्यकर्ताहरूले एमाले चुनावी गीतमा नाचगान समेत गरे ।

यसपटक पनि विजयी भएर उक्त क्षेत्रमा ह्यार्टिक गर्ने रणनीतिमा रहेका पोखरेल दैनिक मतदाताको घरदैलोमा पुगेर मत मागिरहेका छन् ।

सूर्य चुनाव चिह्नसहित झण्डा, ब्रोसियरलागयतका चुनावी प्रचार सामग्री लिएरमात्र होइन आफ्नो र पार्टीको आगामी कार्यक्रमका एजेण्डा लिएर पोखरेल मतदाताकोमा गइरहेका छन् । घरदैलोमा पुगेका बेला मतदाताले पनि उनलाई मत दिने आश्वासन दिए ।

पाेखरेलसँगै साेही क्षेत्रका प्रदेशसभा तर्पफका उम्मेदवारहरू पनि घरदैलाे कार्यक्रममा सहभागी भएर मत मागेका छन् ।