प्रतिनिधिसभाका २३ क्षेत्रको नतिजा सार्वजनिक, १४ सीटसहित कांग्रेसको अग्रता कायमै

७ मंसिर, काठमाडौं । मंसिर ४ मा भएको प्रदेश र प्रतिनिधिसभा सदस्य निर्वाचनको मतपरिणाम आउने क्रम जारी छ । धेरै जसो निर्वाचन क्षेत्रमा मतगणना भइरहेको छ भने केही स्थानमा विवादका कारण सुरु भएको छैन् ।

अहिलेसम्म सबैभन्दा धेरै स्थानमा नेपाली कांग्रेसले जित हासिल गरेको छ । कांग्रेसले अहिलेसम्म जम्मा १४ प्रतिनिधिसभामा जित हासिल गरेको छ । काठमाडौंका पाँच क्षेत्रमा कांग्रेसले जित हासिल गरेको छ । कांग्रेसको सत्ता सहयात्री दल नेकपा माओवादी केन्द्रले अहिलेसम्म खाता खोल्न सकेको छैन ।

अर्को सहयात्री दल नेकपा एकीकृत समाजवादीले एक स्थानमा जित हासिल गरेको छ । राष्ट्रिय स्वतन्त्र पार्टीले काठमाडौंका तीनवटा निर्वाचन क्षेत्रमा जित हासिल गरेको छ । नेकपा एमालेले ललितपुर, उदयपुर र काठमाडौंको क्षेत्र नम्बर ९ मा गरी तीन स्थानमा जित हासिल गरेको छ ।

राप्रपाले १ र नागरिक उन्मुक्ति पार्टीले १ निर्वाचन क्षेत्रमा जित हासिल गरेको छ । प्रतिनिधिसभातर्फ ४१ क्षेत्रमा अगाडी रहेको कांग्रेसले प्रदेशतर्फ २२ क्षेत्रमा जित निकालेको छ भने ५९ क्षेत्रमा अग्रता लिएको छ ।

नेपाली कांग्रेसले जित हासिल गरेका क्षेत्र

१– प्रकाशमान सिंह, काठमाडौं–१

२– गगन थापा, काठमाडौं ४

३– प्रदिप पौडेल काठमाडौं ५

४– सन्तोष चालिसे काठमाडौं ३

५– राजेन्द्रकुमार केसी काठमाडौं १०

६– मोहन आचार्य रसुवा

७– उदयशमशेर जबरा ललितपुर १

८– शंकर भण्डारी तनहुँ २

९– शेरबहादुर देउवा डडेल्धुरा

१०– रमेश रिजाल पर्सा ४

११– हृदयराम थानी, सुर्खेत २

१२– योगेश गौचन थकाली, मुस्ताङ

१३– टेकबहादुर गुरुङ, मनाङ

१४-विश्वप्रकाश शर्मा झापा-१

नेकपा एमालेले जित हासिल गरेका क्षेत्रहरु
१– प्रेमबहादुर महर्जन ललितपुर २

२– अम्बरबहादुर रायमाझी उदयपुर २

३– कृष्णगोपाल श्रेष्ठ काठमाडौं ९

राष्ट्रिय स्वतन्त्र पार्टी

१– गणेश पराजुली काठमाडौं ७

२– विराजभक्त श्रेष्ठ–काठमाडौं ८

३– सोविता गौतम–काठमाडौं २

एकीकृत समाजवादी

१– शेरबहादुर कुँवर अछाम १

राप्रपा
१–धवलशमशेर जबरा बाँके २

नागरिक उन्मुक्ति पार्टी

१– गंगाराम चौधरी कैलाली ३