ताप्लेजुङबाट प्रतिनिधिसभा सदस्यमा योगेश भट्टराई निर्वाचित

७ मंसिर, काठमाडौं । मंसिर ४ मा भएको प्रदेश र प्रतिनिधिसभा निर्वाचन अन्तर्गत ताप्लेजुङबाट नेकपा एमालेका सचिव योगेश भट्टराई प्रतिनिधिसभा सदस्य पदमा निर्वाचित भएका छन् ।

बुधबार सार्वजनिक अन्तिम मतपरिणामानुुसार भट्टराईले २१ हजार ९४३ मत पाएका छन् । उनका निकटतम प्रतिस्पर्धी नेकपा माओवादी केन्द्रका उमदेवार खेलप्रसाद बुडाक्षेत्रीले २१ हजार २३५ मत ल्याएका छन् ।

भट्टराई ताप्लेजुङबाटै निवर्तमान सांसद समेत हुन् । प्रतिनिधिसभातर्फ ताप्लेजुङमा एउटा मात्र क्षेत्र छ । बुढाक्षेत्री सत्ता गठबन्धनबाट उम्मेदवार बनेका थिए ।