झापा १ बाट भारी मतान्तरसहित विश्वप्रकाश शर्मा विजयी

७ मंसिर, झापा । झापाकाे क्षेत्र नं १ मा प्रतिनिधिसभामा सत्ता गठबन्धनतर्फका नेपाली कांग्रेसका महामन्त्री समेत रहेका उम्मेदवार विश्वप्रकाश शर्मा फराकिलो मतान्तरले विजयी भएका छन् । नेकपा (एमाले)का उम्मेदवार अग्नि खरेललाई १४ हजार दुई सय ७५ मतले पछि पार्दै शर्मा विजयी भएका हुन् ।

शर्माले ३९ हजार छ सय २४ मत ल्याउँदा उनका निकटतम प्रतिद्वन्द्वी खरेलले २५ हजार तीन सय ४९ मत प्राप्त गर्नुभएको निर्वाचन अधिकृत टङ्कबहादुर महतले जानकारी दिए । शर्मा नेपाली कांग्रेसका महामन्त्री हुन् भने खरेल एमालेका स्थायी कमिटी सदस्य हुन् ।