सर्लाही १ मा लोसपाका रामप्रकाश चौधरी विजयी

८ मसिर, काठमाडौं । सर्लाही क्षेत्र नम्बर १ मा महन्थ ठाकुर नेतृत्वको लोकतान्त्रिक समाजवादी पार्टी (लोसपा) का रामप्रकाश चौधरी विजयी भएका छन् ।

उनले स्वतन्त्र उम्मेदवार मानबहादुर खड्कालाई ६ हजार बढी मतले पराजित गरेका हुन् । चौधरीले २४ हजार ८३८ मत ल्याउँदा खड्काले १८ हजार ४०४ मत ल्याए ।

जनता समाजवादी पार्टीका प्रमोद साहले १४ हजार २५५ मत पाउँदा जनमत पार्टीका रामविश्वास रायले ४ हजार ९६ मत ल्याए ।