कैलाली ५ बाट १ हजार मतान्तरले कांग्रेसका पन्त निर्वाचित

९ मंसिर, धनगढी । प्रतिनिधिसभा सदस्यमा कैलाली ५ बाट नेपाली कांग्रेसका डिल्लीराज पन्त विजयी भएका छन् । उनी नेकपा (एमाले)का नारदमुनि रानालाई पराजित गर्दै निर्वाचित भएका हुन् ।

विजयी पन्तले २१ हजार ३९२ मत प्राप्त गर्दै जित निकाल्दा उनका प्रतिद्वन्द्वी एमालेका रानाले २० हजार ३१८ मत पाएका छन् । मतगणनाको सुरूवातदेखि अग्रता लिएका रानालाई पन्तले पछि पारेका थिए ।

सुरुमा प्रदेश सभा (२) बाट सिफारिस भएका पन्त यो क्षेत्रबाट टिकट पाएकी कांग्रेस केन्द्रीय सदस्य आरजु देउवा राणा मानुपातिकमा बसेपछि उनले टिकट पाएका हुन् ।

उनी प्रतिनिधि सभाका लागि उम्मेदवार भएपछि रिक्त स्थानमा प्रकाश देउवालाई उम्मेदवार बनाए । प्रकाशले एमालेका दुर्गाप्रसाद जोशीलाई पराजित गर्दै विजयी भइसकेका छन् ।

सोही क्षेत्रबाट उम्मेदवार रेहका
कांग्रेसका पूर्वनेता पुष्करनाथ ओझाले पनि स्वतन्त्र उम्मेदवारीबाट ८३४९ मत ल्याएका छन् । अर्का स्वतन्त्र उम्मेदवार जगदिश चौधरीले ७४६० मत पाए भने राष्ट्रिय स्वतन्त्र पार्टीकी इश्वरी विष्ट पार्टीले ३४०४ मत ल्याएकी छन् ।