नवलपरासी (पश्चिम) २ मा पूर्वआईजीपी ध्रुव प्रधानसँग पूर्वगृहराज्यमन्त्री कँडेल पराजित

९ मंसिर, काठमाडौं । नवलपरासीको क्षेत्र नं. २ मा कांग्रेसका केन्द्रीय सदस्य तथा पूर्वगृहराज्यमन्त्री देवेन्द्रराज कँडेल राष्ट्रिय प्रजातन्त्र पार्टीका उपाध्यक्ष ध्रुवबहादुर प्रधानसँग पराजित भएका छ्न् ।

प्रतिनिधिसभा सदस्य निर्वाचनमा प्रधानले कँडेललाई पश्चिम नवलपरासी २ बाट १५ हजार ३६५ मतान्तरले हराएका हुन् । प्रधानले ३४ हजार ९५९ र पराजित कँडेलले १९ हजार ५९४ मत प्राप्त गरेका छन् ।

एमालेका दीपेन्द्र अधिकारी १४ हजार ४९८ मतमा सीमित भएका छन् । संघीय सांसदमा विजयी प्रधान नेपाल प्रहरीका पूर्वआइजीपी समेत हुन् ।