उदयपुर १ मा मन्त्री खडकाको निरन्तर अग्रता

९ मंसिर, उदयपुर । उदयपुर १ मा सत्ता गठबन्धनका उम्मेदवार नेपाली कांग्रसका नारायण खडकाले अग्रता कायम राखेका छन् ।

पछिल्लो मतगणना परिणामअनुसार प्रतिनिधिसभामा परराष्ट्रमन्त्री डा। नारायण खड्काले १६ हजार ३०१ मत ल्याएका छन् । उनलाई एमालेकी मञ्जुकुमारी चौधरीले १४ हजार ५३१ मतले पछ्याएरहेकी छन् ।

३८ हजार ८९१ मत गनिसक्दासम्म खड्काले चौधरीभन्दा एक हजार ७७० मतले अग्रता कायम राखेका छन् । यहाँ कुल खसेको मत संख्या ७६ हजार ७ सय ५६ हो । प्रतिनिधि सभा सदस्य तर्फ यहाँ ३७ हजार ८६५ मत गन्न बाँकी छ ।

यस्तै, प्रदेशसभा ९ख०तर्फ कांग्रेसका हिमाल कार्कीले १३ हजार २५४ मत पाएका छन् भने एमालेका ईश्वरमणि राउतले १२ हजार ६७० मत प्राप्त गरेका छन् । ३२ हजार २५० मतको गणनामा कार्की पाँच सय ८४ मतले अघि छन् । प्रदेशसभा ९ख०० मा ३७ हजार ६ सय ८५ मत खसेको थियो । अब गन्न पाँच हजार ४३५ मत बाँकी छ ।

यस्तै, प्रदेश सभातर्फ ९क० मा माओवादीका राजन किराती १५ हजार ९२ मत ल्याएर विजयी भइसकेका छन् । उनले एमालेका कुशलबाबु बस्नेतलाई हराएका हुन् ।