चुनावमा हारपछि माओवादी केन्द्र ललितपुर कमिटीमा राजीनामाको लहर

१२ मंसिर, काठमाडौं । हालै सम्पन्न आम निर्वाचनमा जिल्लामा पार्टीका प्रभावशाली नेताहरु पराजय भएपछिछ नेकपा (माओवादी केन्द्र)को ललितपुर जिल्ला कमिटी पदाधिकारीमा राजीनामाको लहर नै चलेको छ ।

ललितपुर क्षेत्र ३ बाट माओवादी केन्द्रका प्रभावशाली नेतृ एवं उपमहासचिव पम्फा भुसालले प्रििनधिसभा सदस्यमा पराजित भएपछि जिल्ला कमिटीमा राजीनाको लहर नै चलेको हो छ ।

प्रभावशाली नेतृले चुनाव हारेपछि जिल्ला कमिटीमाथि प्रश्न उठाइएको थियो । सोही कारण ललितपुर कमिटीका संयोजक शिव कट्टेल र सचिव दीपक पुलामीले पदबाट राजीनामा दिएका छन् ।

उनीहरुले हारको जिम्मेवारी लिँदै राजीनामा दिएको जनाएपछि बाग्मती कमिटी नेतृत्वमाथि पार्टी नेतृत्वले दिएको दबाबमा राजीनामा दिइएको छ । संयोजक कट्टेल र सचिव पुलामीले पार्टीको बागमती प्रदेश कार्यालयमा राजीनामा बुझाएका छन् ।

यही मंसिर ४ मा भएको चुनावमा ललितपुरको क्षेत्र नं. ३ र यसअन्तर्गत प्रदेशसभा (क)बाट माओवादी केन्द्रकै राजकाजी महर्जन पराजित भएका थिए ।

यस्तै, ललितपुर क्षेत्र नं. २ को प्रदेशसभा (क)मा पनि माओवादी केन्द्रका उम्मेदवार हरि दाहालले पराजित भएका थिए ।
कट्टेल गएको वैशाखमा स्थानीय तह निर्वाचनमा महालक्ष्मी नगरपालिकाको मेयर उम्मेदवारसमेत थिए । उनलाई नेकपा (एमाले)का उम्मेदवार हरिगोविन्द श्रेष्ठले पराजित गरेका थिए ।

कट्टेल मोहन वैद्य ‘किरण’सँग छुट्टिएर माओवादी केन्द्रमै फिर्ता भएका रामबहादुर थापा ‘बादल’सँगै आएका नेता हुन् । उनी विशेष रुपमा उद्योगी व्यवसायीको रुपमा चिनिन्छन् ।

पार्टीको केन्द्रीय कार्यालय पेरिसडाँडा काठमाडौंको जग्गा उनकै छँदा पार्टीले ‘त्याग’ गर्न पटकपटक दबाब दिँदा पार्टी विभाजनमा उनले वैद्य पक्ष रोजेका थिए । वैद्यमा छँदा उनले पार्टी कार्यालय बुद्धनगरबाट पेरिसडाँडा नै लैजानुपर्ने बताउँदै आए, तर वैद्यले ‘किचलो नगरौं’ भनेर सम्झाएका थिए । तर, वैद्य मुलुकको राजनीतिमा निष्क्रिय बन्दै गएपछि बादलसँगै माओवादी केन्द्रमा फिर्ता भएका थिए । पछि त्यहाँ रहँदा पनि उनलाई पेरिस डाँडा पार्टीलाई छाड्न व्यापक दबाब परेपछि अडानबाट उनले खुट्टा छाडेका थिए ।

माओवादी कैन्द्रले कार्यालय राखेर जग्गा कब्जा गरेपछि उनी एकफेर चरम निराश समेत पुगेका चर्चा नचलेको होइन ।

तैपनि बादल समूहमाथि माओवादी केन्द्रभित्र पक्षपात र गुटबन्दीको खेलको शिकार बनाइयो । बाद लगायत नेताहरु नेकपा फुटाइँदा माओवादी केन्द्रमा फिर्ता भएनन् । एमालेमै बसे । कट्टेल भने पम्फासँगै माकेतिरै आए । अहिले भने उनै पम्फा चुनावमा पराजय हुन पुगेपछि कट्टेलको पद नै गएको छ ।

पार्टीको बाग्मती प्रदेश कमिटीमा पम्फा समूह पक्षकै नेता हितमान शाक्य ‘सुमन’ इन्चार्ज छन् ।