कांग्रेस धेरै गोल हानेर पनि कप गुमाएकाे एम्बाप्पे बनेकाे महामन्त्री शर्माको टिप्पणी

११ पुष, काठमडौं । नेपाली कांग्रेसका महामन्त्री विश्वप्रकाश शर्माले पछिल्लो समयमा विकसित राजनीतिक घटनाक्रमलाई विश्वकप फुटबलसँग तुलना गरेका छन् ।

उनले कतारमा फिफाको विश्पकफ फुटबल प्रतियोगितामा फ्रान्सका केलियन एम्बाप्पेले सर्वाधिक गोल हानेर कप अर्कैले लगको जस्तो भएको टिप्पणी गरेका छन् ।

पोखरामा जारी नेपाल लिटरेचर फेस्टिबलमा धारणा राख्ने क्रममा महामन्त्री शर्माले कांग्रेसले मंसिर ४ को चुनावमा धेरै सिट जितेर उपाधि गुमाउनु परेको टिप्पणी गरे । उनले पाँच वर्षमा डिफेन्डिङ च्याम्पियन बनाएर कांग्रेस कप उचाल्ने गरी उदाउने दाबी गरे ।

नेपाली कांग्रेसका लागि अहिलेको घटना टर्निङ पोइन्ट भएको बताउँदै जे भएको छ ठीकै भएको छ भन्नुपर्ने अवस्थामा पार्टी पुगेको उनको भनाइ छ ।