एसएसपी नेतृत्वमा डीएसपी केसीमाथि छानवीन शुरु

२० पुष, काठमाडौं । केन्द्रीय अनुसन्धान व्यूरो (सिआइबी)को फन्दामा परेका डीएसपी ठगबहादुर केसीमाथि अनुसन्धान गर्न प्रहरी प्रधानकार्यालयले एसएसपीको संयोजकत्वमा समिति बनाएको छ । व्यवसायीको ३५ तोला सुन र २५ लाख रुपैयाँ हिनामिनाको आरोपमा निलम्बनमा परेका डीएसपी केसीमाथि छानविन गर्न एसएसपी चन्द्रकुवेर खापुङको नेतृत्वमा समिति गठन भएको हो ।

सो समितिले बुटवल पुगेर घटनाको अनुसन्धान सुरु गरेको छ । इलाका प्रहरी कार्यालय वुटवलमा कार्यरत डीएसपी केसीले व्यापारीको सुन र रकम गायव गरिदिएपछि प्रहरी प्रधान कार्यालयमा उजुरी परेको थियो ।

उजुरीपछि केसीलाई निलम्बन गरेर प्रहरी प्रधान कार्यालयले खापुङको नेतृत्वमा छानविन समिति गठन गरेको हो । समितिको प्रतिवेदनपछि केसीमाथि थप कारबाही अगाडी बढाउने प्रहरी प्रधान कार्यालयले जनाएको छ । उनलाई गृहमन्त्रालयले निलम्बन समेत गरिसकेको छ ।