गण्डकीका मुख्यमन्त्री अधिकारीलाई विश्वासको मत प्राप्त

२९ पुष, पोखरा । गण्डकीका मुख्यमन्त्री खगराज अधिकारीलाई विश्वासको मत प्राप्त भएकाे छ । शुक्रबार प्रदेशसभा बैठकमा अधिकारीले ३१ मत पाएका छन् । विपक्षमा २७ मत परेको छ । बैठकमा ५८ सांसद उपस्थित थिए ।

मुख्यमन्त्री नियुक्तिका बेला समर्थन गरेका स्वतन्त्र उम्मेदवारी दिएर मनाङबाट प्रदेश सांसद जितेर नेकपा (एकीकृत समाजवादी)मा प्रवेश गरेका राजिव गुरुङ (दीपक मनाङे) भने बैठकमा अनपस्थित रहे । बैठकको अध्यक्षता एमालेबाट जेष्ठ सदस्य मित्रलाल वस्यालले गरेका छन् ।