गण्डकी सभामुखमा निर्वाचित माओवादी केन्द्रका धिताललाई दीपक मनाङेकाे साथ

३० पुष, पोखरा । गण्डकी प्रदेशको सभामुखमा नेकपा (माओवादी केन्द्र)का कृष्ण धिताल निर्वाचित भएका छन् ।
शनिबार बसेको प्रदेशसभा बैठकले धितालले ३२ संसदले मतसहित सभामुखमा निर्वाचित भएका हुन् । सभामा ५८ संसद उपस्थित थिए । नेकपा (एमाले)का ज्येष्ठ सदस्य मित्रलाल बस्यालले सभा सञ्चालन गरेका थिए ।

धिताललाई स्वतन्त्र सांसद दीपक मनाङेले पनि मतदान गरेपछि ३२ संसदको मतसहित सभामुखमा निर्वाचित भएका हुन् । बैठकको सुरूमै सांसद फणिन्द्र देवकोटाले धिताललाई सभामुखमा चयन गरियोस् भन्ने प्रस्ताव पेस गरेका थिए भने अर्का सांसद रोशन गाह्रा मगरले सो प्रस्तावमा समर्थन गरेका थिए ।

सभामुखमा कांग्रेसबाट सरस्वती अर्याल तिवारीको उम्मेदारी दिएकी थिइन् । तर, उनको उम्मेदवारमाथि मत विभाजन हुनै परेन । धिताललाई एमालेका २२, माओवादीका ८, राप्रपाका दुई र एक स्वतन्त्र सांसद मनाङेले मतदान गरेका हुन् । धिताल गाेरखा १ (क)बाट निर्वाचित प्रदेश सांसद हुन् ।