वर्षमान पुनको स्वास्थ्यमा फेरि समस्या, सुमेरुमा उपचार हुँदै

३० पुष, काठमाडौं । पूर्वअर्थमन्त्री एवं नेकपा (माओवादी केन्द्र)का उपमहासचिव वर्षमान पुन ‘अनन्त’को स्वास्थ्यमा फेरि गम्भीर समस्या देखिएको छ ।

रोल्पा समृद्ध फाउन्डेसनको कार्यक्रममा गृह जिल्ला रोल्पा पुगेका पुनको स्वास्थ्यमा गम्भीर समस्या देखिएपछि शनिबार नै हेलिकप्टरमा काठमाडौं ल्याइएको छ ।

उनकाे उपचार हाल ललितपुरको सुमेरु अस्पतालमा भइरहेकाे छ । उनी गएकाे मंसिर १६ गते चीन गएका थिए । स्वास्थ्यमा सुधार आएपछि पुस ५ गते उनी काठमाडौं फर्किएका थिए ।

जन्डिस रोगबाट पीडित पुनको स्वास्थ्यमा पटकपटक समस्या देखिँदै आइरहेकाे  छ । उनी राेल्पाबाट प्रतिनिधिसभा सदस्य छन् ।