दुर्घटनाग्रस्त जहाजमा ३ बालबालिकासहित ५३ नेपाली

१ माघ, काठमाडौं । पोखराको सीताराम पुल नजिकै सेती खोंचमा दुर्घटना भएको यति एयरको विमानमा ७२ जना सवारमध्ये १५ जना विदेशी नागरिक र ३ जना बालबालिका रहेको खुलेको छ ।

विमानमा सवार यात्रु तथा चालक दलका सदस्यको सूचीअनुसार भारत, फ्रान्स, आयरल्याण्ड, अर्जेन्टिना, अष्ट्रेलिया रूस लगायत मुलुकमा नागरिक परेका छन् । दुर्घटनामा ३ जना नेपाली बालबालिकासहित ५३ जना नेपाली परेका छन् ।

काठमाडौंबाट ४ जना चालक दलका सदस्य र ६८ जना यात्रु बोकेर पोखराका लागि उडेको जहाज बिहान दुर्घटना भएको थियो । हालसम्म ३६ जनाको शव निकालिएको छ । थप उद्धार कार्य जारी छ ।