पाेखरा विमान दुर्घटनाः थप १ जनाको शव फेला

२ माङ, पोखरा । पोखरामा यति एयरलाइन्सको जहाज दुर्घटनामा बेपत्ता भएका एक जनाको शव फेला परेको छ।सोमबार अपरान्ह ३ बजे सेती नदीबाट एक जनाको शव फेला निकालिएको सशस्त्र प्रहरी बलका सहायक प्रवक्‍ता डिएसपी शैलेन्द्र थापाले जानकारी दिए ।

सोमबार सशस्त्र प्रहरी बलको गोताखोरले पानीबाट शव निकालिएको हो । अहिले उक्त शवलाई पनि गण्डकी अस्पताल लैजाने तयारी गरिरहेको डिएसपी थापाले बताए ।

योसँगै दुर्घटना ज्यान गुमाएका ७२ मध्ये ६९ जनाको शव फेला परेको छ । अझै ३ जनाको शव फेला पर्न सकेका छैनन् ।
काठमाडौंबाट पोखरा उडेको यति एयरको ९ एन एनएसी विमानआइतबार बिहान १०ः३२ पोखरा विमानस्दुथल निजकै रहेको सेती नदीमा दुर्घटनाग्रष्त भएको थियो ।