चिर्पटले हिर्काएर बुहारीको हत्या, ससुरा पक्राउ

४ माघ, काठमाडौं । म्याग्दीमा ससुराले दाउराको चिर्पटले हिर्काएर बुहारीको हत्या गरेको खुलेको छ । हत्याको आरोपमा प्रहरीले ससुरा पक्राउ गरेको छ ।

पक्राउ पर्नेमा धौलागिरी गाउँपालिका ३ का ५३ वर्षीय इन्द्रबहादुर भण्डारी रहेका छन् । उनले मंगलबार बिहान बुहारी २८ वर्षीया अनिता रानाको हत्या गरेको खुलेको छ ।

चिर्पट प्रहारपछि गम्भीर घाइते भएकी अनिताको बेनी अस्पतालमा उपचारका क्रममा मृत्यु भएको थियो ।