मकवानपुरमा प्रहरीले नष्ट गर्‍यो अफिम खेती

१७ माघ, हेटौंडा । मकवानपुर प्रहरीले विकट राक्सिराङ र कैलाश गाउँपालिकामा लुकिछिपी लगाइएको १३० बिघा अफिम र २८ बिघा १० कठ्ठामा लगाइएको गाँजा नष्ट गरेको छ ।

यही विशेष सूचनाका आधारमा पुगेको नेपाल प्रशरी र सशस्त्र प्रहरीको संयुक्त टोलीले माघ १४ गतेदेखि १६ गते सम्म उक्त क्षेत्रमा लगाइएको अफिम र गााँजा नष्ट गरेको हो ।

प्रहरीले सबैभन्दा बढी राक्सिराङ गाउँपालिकाको वडा नम्वर ४, ६ र ७ मा ९५ बिघा अफिम र २८ बिघा १० कठ्ठामा लगाइएको गाँजा नष्ट गरेको जनाएको छ ।

यस्तै कैलाश गाउँपालिकाको वडा नम्वर ७ र ८ मा ३५ बिघामा लगाइएको अफिम नष्ट गरिएको प्रहरीले जनाएको छ । यसअघि पनि प्रहरीले जिल्लाका छतिवन, राई गाउँ लगायत क्षेत्रमा तस्करहरुको इसारा र स्थानीयको सहयोग लगाइएको गाजा खेती नष्ट गरेका थिए ।

लागू औषध चरेस बनाउन अफिमकाे प्रयाेग गरिन्छ । अफिम खेतीमा विश्वमा अफ्गानिस्तान पहिलाे र म्यान्मार दाेस्राे मुलुक मानिन्छ ।