स्कटल्यान्डविरुद्ध नेपालको सशक्त बलिङ, छैठाैं विकेट लिइयाे

५ फागुन, काठमाडौं । आइसीसी विश्वकप एक दिवसीय त्रिकोणात्मक सिरिजमा स्टकल्यान्डविरुद्ध नेपालको बलिङ सशक्त बनेको छ । फिल्डिङ पनि निकै फिल्डिङ बनिरहेको छ ।

किर्तिपुरस्थित त्रिवि क्रिकेट मैदानमा नेपालले टस जितेर फिल्डिङ रोजेपछि ब्याटिङ गरेको स्कटल्यान्डले ३० ओभरको समाप्तीमा ६ विकेट गुमाएर १ सय ३६ रन बनाएर खेलिरहेको छ ।

सन्दीप लामिछाने ३ विकेट र कुशल मल्लले २ तथा कुशल भुर्तेलले १ विकेट लिएका छन् । स्कटल्यानडका ओपनर क्रिस्टोफर म्याकब्राइड २२ रन बनाउँदा कुशल मल्लको बलमा क्याच आउट भए । २९ बलको सामना गरेका उनले ३ चौका हाने । कप्तान रिची बेरिङटन २५ बलमा २ चौका र १ छक्का हान्दै १९ रनमा कुशल मल्लको बलमा आउट भए ।

थोमस म्याकिन्टोस १९ र म्याथु क्रस २ रनमा सन्दीप लामिछानेको बलमा एलबीडब्लु धरापमा परे । ब्रान्डोन म्याकमुलर सन्दीपको बलमा क्याच आउट भए । क्रिस ग्रेभ्स १६ रन जोड्दा कुशल भुर्तेलको बलमा विकेट किपर आशिफ शेखको हातबाट आउट भएका छन् ।, खेल जारी छ ।