क्रिकेट खेलमा सट्टेबाजी चलाएको आरोपमा ४ जना पक्राउ

५ फागुन, काठमाडौं । कीर्तिपुरस्थित त्रिवि क्रिकेट मैदानमा जारी आईसीसी क्रिकेट विश्वकप लिग टु त्रिकोणात्मक ओडिआई सिरिज खेलमा सट्टेबाजी गरेकाे आराेपमा सीआईबी टाेलीले एकजना युवकलाई पक्राउ गरेको छ ।

प्रहरीको केन्द्रीय अनुसन्धान व्युरो (सीआईबी)ले सट्टेबाजीमा संलग्न भएको आशंकामा एकजनालाई पक्राउ गरेर लिएर अनुसन्धान गरिरहेको जनाइएकाे । पक्राउ गरिएको व्यक्तिको परिचय गोप्य राखिएको छ । मैदानमा रहेका टोलीले ति व्यक्तिलाई पक्राउ गरिएको जनाइएको छ ।

यस्तै, प्रहरीले काठमाडाैंका विभिन्न स्थानबाट खेलमा अनलाइन बेटिङ चलाएकाे अभियाेगमा ३ जना युवकलाई पक्राउ गरेकाे स्राेतले बतायाे ।

त्रिवि मैदानमा आज नेपाल र स्कटल्याण्डबीच खेल भइरहेको छ । नेपाल बलिङ गरिरहेको छ । अहिलेसम्म सातौं विकेट लिएको छ । स्कटल्याण्डले २३१ रन जोडेको छ । नेपाल आजको खेल जित्नै पर्ने बाध्यता छ ।