प्रधानमन्त्रीको दूत बनेर शर्मा पुगे दिल्ली, ‘रअ’ र रिमका प्रतिनिधिसँग गोप्य वार्ता

२८ फागुन, काठमाडौं । प्रधानमन्त्रीसमेत रहेका नेकपा माओवादीका अध्यक्ष पुष्पकमल दाहाल ‘प्रचण्ड’ र माओवादी धारका नेताहरुसँग सम्बन्धित द्धन्द्धकालिन घटनालाई लिएर नेपालको राजनीति तातिरहेका बेला प्रधानमन्त्रीको दूत बनेर माओवादीका नेता तथा पूर्वअर्थमन्त्री जनार्दन शर्मा यतिबेला भारतको नयाँ लिल्ली पुगेका छन् । उनी आइतबार मध्याह्न दिल्ली पुगेको बताइएको छ । शर्मासँगै नेपालस्थित भारतीय राजदूतावासका कन्सुलर अनिल गिरी पनि लिल्ली पुगेको खबर छ ।

नेकपा माओवादीका उपमहासचिवसमेत रहेका नेता शर्मा आकस्मिक दिल्ली जानुको कारण नखुलाइए पनि उनीले प्रधानमन्त्री प्रचण्डका प्रतिनिधिको रुपमा ‘रअ’का उच्च अधिकारी र ‘रिम’का प्रतिनिधिहरुसँग भेटघाट गर्ने बताइएको छ । ‘रिम’ कम्युनिष्टहरुको अन्तर्राष्ट्रिय सञ्जाल हो । यसअघिको नेपालमा भएको मााओवादीको दश वर्षे जनयुद्धमा पनि ‘रिम’ले ठूलो भूमिका निर्वाह गरेको थियो । यसले कम्युनिष्ट आन्दोलनलाई सहयोग पुर्याउने काम गरेपनि पछिल्लो समय दक्षिण एशियामा यसको प्रभाव कम हुँदै गएको थियो । केहि समय अगाडी नेकपा माओवादी यो समुहबाट अलग भएको भनिएको थिया । तर, पछि फेरी चलखेल बढेको छ ।

नयाँ राष्ट्रपतिको निर्वाचन सकिए लगत्तै र अति गाेप्य रुपमा ‘रअ’का प्रतिनिधिसँग प्रधानमन्त्रीको प्रतिनिधि बनेर शर्मा दिल्ली पुग्नुलाई अथृपूर्ण रुपमा हेरिएको छ । स्रोतका अनुसार उपमहासचिव शर्मा दिल्ली पुग्दा नेपाली कांग्रेसका सांसद एवं अर्बपति विनोद चौधरी पनि दिल्लीमा शर्मासँगै देखिएका छन् । उनीहरु दुबै उपराष्ट्रपति निर्वाचनमा काठमाडौंमा आइपुग्ने कार्यतालिका बनाइएको छ । शनिबार विहान नेपाल वायुसेवा निगमको उडान नम्बर आरए २०५ मा काठमाडौंबाट सवा ८ बजे दिल्ली प्रस्थान गरेका शर्माले पुगे लगत्तै ‘रअ’का प्रतिनिधिसँग भेटघाट सुरु गरेको स्रोतको दावी छ ।

उनीसँग भारतीय दूतावासका ‘कन्सुलर’ गिरी पनि स्थलमार्ग हुँदै नयाँ दिल्ली पुगेका छन् । गिरी भारतीय खुफिया एजेन्सी ‘रअ’का नेपालस्थित दोस्रो व्यक्ति हुन् भने राधवदेव भाट्नागर नेपाल प्रमुख हुन् । नेपालमा नै रहेका भाट्नागरकै रायमा गिरी गिरी दिल्ली पुगेको बताइएको छ । शर्माले प्रधानमन्त्रीको भारत भ्रमणका विषयमा केहि भारतिय अधिकारीहरुसँग पनि छलफल गर्ने कार्यक्रम छ । स्रोतको भनाइमा नेपालका माओवादी धारका नेताहरुलाई एक बनाउन ‘रिम’ले पनि प्रयास गरिरहेको छ । माओवादीसँग लगभग सम्बन्ध टुटिसकेको रिमले फेरी चासो देखाएको छ ।

पछिल्लो राजनीतिक समीकरण बनाउनमा महत्वपूर्ण भूमिका निर्वाह गरेका शर्मासँगै ‘रअ’का सेकेण्डम्यान गिरी पनि भारत पुग्नुलाई पनि राजनीतिक वृत्तमा चर्चाको विषय बनेको छ । प्रधानमन्त्री प्रचण्डले राष्ट्रपति र उपराष्ट्रपतिको निर्वाचनपछि सरकार विस्तार र त्यसपछि भारत भ्रमण गर्ने बताउदै आएका छन् । भारत भ्रमणको मेलोमेसो मिलाउन परारष्ट्र मन्त्रालय र भारतस्थित राजदूतावासलाई निर्देशन समेत दिइसकेका छन् । यो अवस्थामा शर्मालाई भारत किन पठाइयो र उनी के उदेश्य लिएर ‘रअ’ र ‘रिम’का प्रतिनिधिलाई भेट गदैछन भनने कुराभने रहस्यमै रहेको छ ।