१४ महिनाअघि २१ लाख जरिवाना तोकिएका फरार प्रतिवादी पक्राउ

३० फागुन, ललितपुर । जिल्लाअदालतबाट ठगी कसुर मुद्दामा २१ लाख जरिवाना तोकिएका एक फरार प्रतिवादीलाई प्रहरीले पक्राउ गरेको छ । पक्राउ पर्नेमा सिन्धुपाल्चोक लिसंखु गाउँपालिका–४ का ३२ वर्षीय विनोद लामा छन् ।

प्रतिवादी लामालाई सोमबार साँझ सूर्यबिनायकबाट पक्राउ गरिएको केन्द्रीय अनुसन्धान ब्युरोले जनाएको छ । लामालाई उच्च अदालत पाटन २०७८ पुस २२ मा बैंकिङ कसुरमा दोषी ठहर गर्दै ७ दिन कैद र २१ लाख जरिवाना हुने ठहरसहित फैसला भएको थियो ।

फैसला कार्यान्वयनका लागि मंगलबार जिल्ला अदालत ललितपुरमा पेस गरिएको छ । अदालतको अनुमतिमा आजै उनलाई जेल पठाउने भएको छ ।