कानुन विपरीत संचालित तीन क्रसर उद्योग माथी कारबाही

१ चैत, महोत्तरी । गौशाला नगरपालिका कानुन विपरित संचालनमा रहेको तीनवटा क्रसर उद्योगलाई कारबाही गरिएको छ । गौशालाको मरहा नदीको तटमा संचालित उक्त क्रसर उद्योगहरुलाई कारबाही गरिएको हो ।

जसअनुसार सिद्धार्थ क्रसर उद्योग, एभरेष्ट क्रसर उद्योग र जयहनुमान क्रसर उद्योग कारबाहीमा परेका हुन् । लामो समयदेखि नगरपालिकाको राजश्व शाखामा राजश्व नबुझाएको, मापदण्डविपरीत संचालनमा रहेको र ईजाजतपत्र तथा नविकरण नगराएकाले कारवाही गरिएको नगरप्रमुख दिपेन्द्र महतोले जानकारी दिए। उनका अनुसार कारबाहीमा परेका क्रसरले नदीजन्य पदार्थको उत्पादन वा वितरण गर्न रोक लागेको छ ।