उद्योग वाणिज्य महासंघ निर्वाचनः उपाध्यक्ष श्रेष्ठले गरे प्यानल घोषणा

१ चैत काठमाडौं । नेपाल उद्योग वाणिज्य महासंघ (एफएनसीसीआई)को निर्वाचनका लागि उपाध्यक्ष अञ्जान श्रेष्ठले वरिष्ठ उपाध्यक्ष पदका उम्मेदवारसहित प्यानल सार्वजनिक गरेका छन् ।

हाल वस्तुगततर्फको उपाध्यक्ष श्रेष्ठले आफूलाई वरिष्ठ उपाध्यक्ष पदमा उम्मेदवार घाेषणा गरेका छन् । उनले यही चैत २८ र २९ मा काठमाडौं हुने साधारणसभाबाट आगामी ३ वर्षपछि नेतृत्वमा सम्हाल्ने योजनासाथ प्यानल घोषणा गरेका हुन् । महासंघको विधानअनुसार वरिष्ठ उपाध्यक्षमा विजयी हुने नै अर्काे कार्यकालमा स्वतः अध्यक्ष हुने व्यवस्था छ ।

सोहीअनुरुप हाल वरिष्ठ उपाध्यक्ष रहेका चन्द्र ढकाल यसै साधारणसभाबाट अध्यक्ष बन्नेछन् । अध्यक्ष शेखर गोल्छा बिदा हुनेछन् । उपाध्यक्ष श्रेष्ठले उपाध्यक्षतर्फ जिल्लानगर, एसोसिएट र वस्तुगतमा ३ जनाको नामसमेत सार्वजनिक गरेका छन् । एसोसिएटतर्फ ज्योत्सना श्रेष्ठ, वस्थुगतफर्त मणिषलाल प्रधान र जिल्लानगरतर्फ अरुण सुमार्गीलाई प्यानलमा राखिएको छ ।

यस्तै, वरिष्ठ उपाध्यक्षको दौडमा रहेका रामचन्द्र संघाई र उमेशलाल श्रेष्ठपनिप्यानल घोषणाको तयारीमा लागेका छन् । अहिले जिल्ला संघहरूकाे अधिवेशन धमाधम चलिरहेकाे छ ।