शिव दाई पोडकास्टको पहिलो पाहुना मदनकृष्ण श्रेष्ठ

२ वैशाख, काठमाडौं । नायक शिव श्रेष्ठले आफ्नो पोडकास्ट 'शिव दाई'मा पहिलो गेष्टका रुपमा बरिष्ठ हास्यकलाकार मदनकृष्ण श्रेष्ठसँगको अन्तरंग कुराकानीको प्रोमो सार्वजनिक गरेका छन् । आफ्नो चलचित्र यात्रा र जिवनको भोगाइसंगै जोडिएका व्यक्तीहरु संग कुराकानी गर्नेगरि सञ्चालनमा ल्याएको “शिव दाई पोडकास्ट"मा उनले पहिलो पाहुनाका रुपमा बरिष्ठ कलाकार श्रेष्ठलाई निम्त्याएका हुन ।

प्रोमोमा दुबै कलाकारबीच चलचित्र ट्रक डाइभरको प्रशंगमा कुराभएको सुनिन्छ । नायक श्रेष्ठले नयाँ बर्षको अबसरमा नयाँ कामको सुरुवात भएको भन्दै प्रोमो सार्वजनिक गरेका हुन । विजनेस दर्शन भिडिया हाउस प्रालिको सहयोगमा उनले पोडकास्ट सञ्चालन ल्याएका हुन । यसअघि उनले भक्कानिदै फिल्मी जिवनका भोगाइलाई दर्शक, स्रोतमाझ पुर्याउने प्रतिवद्धता जनाएका थिए । 

उनको प्रोडकास्टको संयोजन तथा कार्यक्रम उत्पादन, निर्देशनमा पत्रकार सन्तोष गन्धर्वले सहयोग गर्दै आएका छन् । कार्यक्रमको संयोजन गर्दै आएका गन्धर्वले नायक शिव श्रेष्ठको पोडकास्टले नेपाली चलचित्र क्षेत्रको इतिहास बोल्ने बताए । नायक श्रेष्ठको जिवनी लेखनको तयारी स्वरुप पोडकास्ट सुरु गरिएको उनको भनाई छ ।