कांग्रेस रुपान्तरणमा महामन्त्रीद्वयको भूमिका शंकास्पद !
केदार भट्टराई (काका)
जेठ ५, २०८० शुक्रबार १३:२४:३८
५ जेठ, काठमाडौं । नेपाली कांग्रेसका महामन्त्री विश्व प्रकाश शर्मा र गगन थापा यति बेला कांग्रेसमा भूमिकाविहीन भएको अवस्थामा देखिएका छन् । आम कांग्रेस कार्यकर्ताहरूमा उनीहरूको भूमिकालाई लिएर चरम असन्तुष्टि बढेको छ । पार्टीका कतिपय नाम चलेकै नेताहरूले महामन्त्री द्वय सामाजिक सञ्जालमा मात्र केन्द्रित हुन पुगेको भन्दै शर्मा र थापाको आलोचना पनि गरिरहेका छन् ।
निर्वाचन सकिएपछि कांग्रेसका गतिविधि प्रायः सभापति शेरबहादुर देउवा कै धुम्बाराहीकाे कोठाबाट चलिरहेका छन् भने महामन्त्रीका भनाई र गुनासाहरू पनि सामाजिक भन्दा बाहिर आउन सकेका छैनन् । पार्टी रुपान्तरण गरिन्छ भन्ने देखि सभापति देउवालाई तर्साउनेसम्मका सबै कुरा सामाजिक सञ्जालमा मात्रै देखिन्छ । देउवाले केन्द्रीय समितिको बैठक नबोलाए पनि बेला बेलामा पदाधिकारी र संसदीय दलका बैठकहरू बोलाई रहे कै छन् । यी बैठकमा पनि महामन्त्रीद्वयको भूमिका सहमति जनाउने बाहेक उपस्थितिको अर्को काम देखिएको छैन ।
नेपाली कांग्रेस आफैंमा पुरानो र ठूलाे दल हो । संसदमा पनि अहिलेसम्म ठूलै दलका रुपमा स्थापित छ । तर, कांग्रेसका कार्यक्रम के हुन भन्ने कसैलाई थाहा छैन । बजेट आउन लाग्यो, नक्कली शरणार्थी प्रकरणले देश उचालेको छ, कांग्रेस र तीनका नेताका नाममा बहस चलिरहेको छ । देशको अर्थतन्त्र ऋणात्मक छ । स्वास्थ्य, शिक्षादेखि सबै तहमा महंगीले जनता आक्रान्त छन् । चुनाव सकिएपछि जितेर गएका दलहरूले केही नीति बनाउलान्, केही नयाँ कार्यक्रम लिएर आउलान भन्ने आस गरेका थिए । कांग्रेस सत्तामा छ । सत्ता बाहिर रहेको एमालेले सधैं कांग्रेसमाथि प्रश्न उठाउँदै आइरहेका छ तर, कांग्रेस कहाँ छ पत्तो छैन ।
कांग्रेस कहाँ छ भनेर देखाउने भूमिका महामन्त्रीको हो र यति बेला साँच्चै नै महामन्त्रीले खास भूमिका देखाउने समय पनि थियो । कांग्रेस केन्द्रीय समितिको बैठक बोलाउन र छलफल चलाउने अधिकार महामन्त्रीसँग छैन । तर नीति अधिवेशन, महासमिति सदस्यहरूको भेला बोलाउन कुरामा उनीहरूले दवाव दिन समेत छाडेका छन् । सभापतिको तहबाट नभए पनि महामन्त्रीका हैसियतमा कांग्रेसजनले अब लिनुपर्ने बाटाे र बनाउनु पर्ने योजनाका बारेमा उनीहरूले पार्टीका सबै तहका नेताहरूसँग एक प्रकारको छलफल चलाउन सक्थे । यसले कांग्रेसले कही गर्दैछ भने सन्देश पनि बाहिर जाने थियो ।
कांग्रेस सुतिरहेको छ भन्न आरोप यसले एक हदसम्म टार्न सक्थ्यो । यी कुरा महामन्त्रीको तहबाट होस भन्ने आम कांग्रेस कार्यकर्ताको भावना पनि थियो । तर, महामन्त्री नै यति बेला सुतिरहेको अवस्थामा देखिएका छन् । महामन्त्रीको सभापतिसँग लडेर काम गर्ने अवस्था पहिले देखि नै नदेखिएको हो भने अहिले तल्लो तहमा कार्यक्रम लाने कुरामा पनि थापा र शर्मा पछि परिसकेका छन् । तल्लो तहमा तेस्रो पुस्ताका नेताहरूले एक प्रकारको अभियान सुरु गरिसकेका छन् । यसमा महामन्त्रीको उपस्थिति अब सहज देखिएको छैन ।
पार्टी नीतिमा चल्नुपर्ने हो । नेताहरू पार्टीको नाम लिएर हिँडेपछि अनुशासित हुनुपर्ने हो । एक खाले कांग्रेसका नेताहरू कार्यक्रम भन्दै तल हिँडिरहेका छन् । माथि कार्यक्रम के हो भन्ने नेतृत्वलाई थाहा छैन । एक हिसाबले हेर्ने हो भने कांग्रेसको अहिलेको अवस्था मियो विनाको दाई जस्तै छ । यसले कांग्रेसभित्र चाँडै विग्रह र ध्रुवीकरण हुने संकेत देखिएको छ । अहिले तेस्रो तहका नेताहरूले यो अभियान थालिसकेका छन् ।
पछिल्ला निर्वाचन र ती निर्वाचनबाट नवोदित राजनीतिक दलहरूलाई प्राप्त जनमतबाट त्रसित बनेका दोस्रो पुस्ताका नेताहरूले कांग्रेसभित्रै नयाँ ध्रुबीकरणको प्रयास थालेका छन् । पार्टीको महाधिवेशनबाट नयाँ नेतृत्व चयन भएको डेढ वर्षसम्म पनि नेतृत्वले आशा जगाउन नसकेको, बरू नेतृत्वको कार्यशैलीबाट निराशा पैदा भइरहेको भन्दै उनीहरूले ‘कांग्रेसमा रुपान्तरण अभियान’ घोषणा गरिसकेका छन् ।
कांग्रेसका पूर्वकेन्द्रीय सदस्य गुरू राज घिमिरे, केन्द्रीय सदस्य द्वय गोविन्दराज पोखरेल र मधु आचार्य, नेताहरू देवराज चालिसे, भुपेन्द्रजंग शाही र रञ्जित कर्णसहितले एक महिने देशव्यापी रुपान्तरण अभियानको घोषणा गरेका छन् । यो उनीहरूको कार्यक्रम कांग्रेसको हो कि नेताको मात्रै हो भन्नेमा नेतृत्व पनि दुविधामा देखिएको छ । यसलाई महामन्त्रीद्वयले अब कसरी लिन्छन् ।
नेतृत्व र स्वयं महामन्त्रीले गर्न नसकेका विभिन्न मुद्दाहरू बहसका लागि अघि सारेका उनीहरूले पार्टीमा नेतृत्वको कार्यशैलीबाट निराश बनेकाहरूलाई एक हुन आश्वस्त पारेका छन् । उनीहरूले रुपान्तरण अभियानका नाममा सातै प्रदेशमा पार्टीका प्रदेश कार्यसमितिको समानान्तर हुने गरी प्रदेश संयोजकसमेत तोकेका छन् । अभियानको अग्रभागमा देखिएका सबै नेता शेखर कोइराला पक्षका देखिएकाले पनि महामन्त्री गगन थापाको भूमिका अब के हुन्छ भन्ने चासो बढेको छ ।
अभियान कुनै गुट वा व्यक्तिगत स्वार्थकेन्द्रित नभई पार्टीको रुपान्तरण र संगठन सुदृढीकरणका लागि भएको उनीहरूले दावी गरे पनि कोइराला समूह भनेर चिनिएका छन । नेता कोइराला आफै पनि देश दौडाहा अभियानमा छन् । डेढ वर्षअघि भएको कांग्रेसको १४ औं महाधिवेशनमा नेता शेखर कोइराला र उनको नेतृत्वको समूहले रुपान्तरण र पुस्तान्तरणको नारा लगाएका थिए ।
महाधिवेशनमा शेखर पराजित भए, तर उनको समूहबाट गगन थापा भारी मतले महामन्त्री निर्वाचित हुँदा उपसभापतिमा धनराज गुरूङ, सहमहामन्त्रीमा जीवन परियार र बद्री पाण्डेसहित केन्द्रीय समितिमा केही नेताहरू निर्वाचित भए । तर, महाधिवेशनपछि रुपान्तरणको एजेण्डा ओझेलमा परेको युवा नेताहरूको आरोप छ । झुण्ड झुण्ड र समूह समूह भएर जनतामा जाँदा भोलि जनताले समूहलाई मात्र हेर्ने कि पार्टी भनेर हेर्ने हो । यति कुरामा त महामन्त्रीको पदमा पुगेकाले जान्नु पर्ने हो ।
नयाँ नेतृत्वको आधा कार्यकाल बितिसक्यो, तर केन्द्रीय कार्यसमिति नै अपूरो छ । भ्रातृसंस्था लथालिङ्ग छन् । पार्टीको न समयानुकूल नीति छ, न रणनीति छ । कार्यकर्तामा ऊर्जा छैन, निराशा भरिएको छ । रुपान्तरण अभियानका लागि उनीहरूले विभिन्न १२ मुद्दाहरूमा छलफलका लागि अघि सारेका छन् । जेठ ११ देखि ३१ गतेसम्म सातै प्रदेशमा हुने अन्तरक्रिया कार्यक्रममा ती नै मुद्दाहरू लक्षित बहस र छलफल गर्ने उनीहरूको भनाइ छ । अभियानका लागि जिल्ला र पालिकास्तरमा समेत संरचना बनाउने उद्देश्य रहेको उनीहरूको भनाई छ ।
रुपान्तरण अभियानले कांग्रेसको १० महिनादेखि बस्न नसकेको केन्द्रीय समिति बैठक र अस्तव्यस्त संगठनमाथि प्रश्न गरेको छ । अभियानले पार्टीको चुस्त संगठन, दुरुस्त सदस्यता र भ्रातृ संस्थाहरूको पुनर्जीवनको मुद्दालाई प्रमुख रुपमा उठाएको छ । अवसरमा समानता, सन्तुलित विदेश नीति, भ्रष्टाचार मुक्त राजनीति र सुशासन तथा सेवामुखी राजनीतिको बाटोमा कांग्रेस अघि बढ्नुपर्ने कुरा उठेका छन् । तर, महामन्त्री बोल्न सक्दैनन् । केवल सामाजिक सञ्जालमा राखिएका दुई शब्दले पार्टी रुपान्तरण हुँदैन ।
केदार भट्टराई (काका)
नेपालबहस डटकमका कार्यकारी सम्पादक केदार भट्टराई दुई दशकदेखि नेपाली पत्रकारितामा क्रियाशील छन् । भूगोल साप्ताहिकबाट पत्रकारिता शुरु गरेका पत्रकार भट्टराईले साप्ताहिक विमर्श, देशान्तर, रेडियो नेपाल वाणी नेटवर्कमा काम गरिसकेका छन् । भट्टराईले आर्थिक, राजनीतिक, भ्रष्टाचार एवं विकृति र विसंगतिका विरुद्ध तीखो कलम चलाउँदै आएका छन् ।
लेखकबाट थपआफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
अदालतका तहसिलदार विरुद्ध जवरजस्तीकरणीमा मुद्धा दर्ता, फरार पाण्डे खोज्न प्रहरी परीचालन
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
जनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
बागमती प्रदेशका सरकारी कार्यालयको बोर्ड तीन भाषामा
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार