संक्रमणकालीन न्यायसँग सम्बन्धित विधेयक पारित हुन्छ: लेखक

७ जेठ, काठमाडौं । नेपाली कांग्रेसका प्रमुख सचेतक रमेश लेखकले संक्रमणकालीन न्यायसँग सम्बन्धित विधेयकलाई चालु अधिवेशनबाट नै संसद्बाट पारित गर्ने बताएका छन् । राष्ट्रिय बेपत्ता स्मृति दिवसको अवसरमा आइतबार काठमाडौंमा आयोजित कार्यक्रमलाई सम्बोधन गर्दै लेखकले बेपत्ता पारिएका व्यक्तिहरूको सवाल, सत्य निरुपणको सवाल, मेलमिलापको सवाल लगायतका संक्रमणकालीन न्यायसँग सम्बन्धित विषय र विधेयक चाँडोभन्दा चाँडो निस्कर्षमा पुर्याउने बताए । 

संक्रमणकालीन न्यायसँग सम्बन्धित कानुनलाई संघीय संसद्को चालु अधिवेशनबाटै पारित गर्ने लेखकको भनाइ थियो । संघीय संसद्मा बजेट अधिवेशन चलिरहेको छ । उनले भने, ‘अहिले यो विधेयक संसदमा  दर्ता भएको छ । संसद्बाट हामीले समितिमा पठाएका छौं । समितिबाट पनि उपसमिति बनाएर छलफलका लागि पठाइसकेका छौँ, ।